Ezagutza sortzeaz gain, ezagutza hori zabaltzeko filosofiarekin bat egiten dugu. Hori dela eta, komunikabideen eskura jartzen gara, itsasoarekin eta elikadurarekin lotutako esparruetan erreferentziazko iturri aditu bezala.

Gure prentsa-oharrak jaso nahi badituzu, zalantzaren bat baduzu edo kontsultaren bat egin nahi badiguzu, prensa@azti.es bidez, gurekin harremanetan jarri.

Horrez gain, beheko estekatan, gure erakundeari buruzko prensa-profesionalei zuzendutako materiala aurkitu ahal izango duzu.

AZTIri buruz

AZTI ikerketa zentroa, Basque Research and Technology Alliance-en (BRTA) kidea, espezialista da elikagaien balio katean, eta ikerketa estrategiko eta aplikatuan dihardu, ezagutza berria sortzeko. Bezeroei ematen dizkien soluzio integral eta berritzaileak baliagarriak dira, oinarri gisa, negozio berri eta berritzaileak dinamizatzeko.

AZTIren helburua zientzia garapen jasangarri eta osasungarri bihurtzea da. Horretarako, lantalde trebatu eta ilusionatu baten bidez, bezeroekin sinbiosian eta lotura estrategikoan oinarritzen den harremana lantzen du AZTIk. Hala, bezeroei balioa ematen die, eta lehiakortasunean hobera egiten laguntzen, garapen ekonomiko eta sozialaren mesedetan.

Egindako lan eta ikerketek munduko institutu onenen artean jarri dute AZTI, artikulu bakoitzeko aipamen indizearen arabera, bere hainbat ikerketa arlotan. Era berean, AZTIk arrantza kudeaketan diharduten nazioarteko erakundeetako batzorde zientifikoetan parte hartzen du, itsas ingurune desberdinetan kudeaketa neurriak eta arrantza kuotak zehazten, baliabideen erabilera jasangarria helburu.

AZTIren logotipoa kolorez AZTIren logotipoa gris kolore-eskalan AZTI-ren logotipoa negatiboan AZTIren egoitzen irudiak AZTIren instalazioen irudiak