4.0 elikadura katea

Aukeren mundu bat 4.0 elikadura katearen eraginkortasuna, segurtasuna, kalitatea, trazabilitatea eta iraunkortasuna hobetzeko

Ekintza eta soluzio teknologikoak garatzen ditugu elikadura katean 4.0 kontzeptua ezartzen laguntzeko. Zehazki, hiru lineatan lan egiten dugu:

Sentsorika aurreratua

Tresna adimendunak eta ez suntsitzaileak garatzea elikagaien eta elikadura prozesuaren kalitatea ziurtatzeko. Horrela balio katearen eraginkortasuna eta kontsumitzailearen konfiantza areagotzen dira. Horretarako, espezialistak gara elikagaien eta elikadura prozesuen kalitate, eraginkortasun edo bereizketako parametro eta ezaugarri kritikoak identifikatzen.

Kalitatearen eta prozesuaren eredu iragarleak

Espezialistak gara datuen tratamendu konplexuen bidez produktuen kalitatea eta prozesuen eraginkortasuna iragartzeko gai diren ereduak garatzen. Sentsore ez suntsitzaileetan ad hoc kalibrazioak garatzea eta mantentzea.

4.0 diagnostikoa

Elikagaien industriei zuzendutako diagnostiko pertsonalizatuak egiten ditugu, 4.0 inplementazioarekiko duten heldutasun egoera identifikatzeko, eta ad hoc ibilbide orriak egiten ditugu inplementatzeko, prozesu osoan enpresari laguntzen diogun bitartean.

Teknologia digital berrien, Interneten eta konektibitate berrien garapenak elikadura katearen eraginkortasuna, segurtasuna, kalitatea, trazabilitatea eta iraunkortasuna hobetzeko aukeren mundu bat zabaltzen dute.

4.0 industriaren kontzeptua informazioa automatikoki eta modu adimentsuan atzematean eta erabiltzean oinarritzen da, teknologia digital berriei esker. Aldaketa horrek informazioa azkar lortzea eskatzen du, ezustekoei aurrea hartu eta negozioaren kudeaketari modu esponentzialean lagundu ahal izateko.

AZTIk urteak daramatza lanean 4.0 eraldaketa pixkana eta osorik ezartzen laguntzeko, enpresa bakoitzaren beharretara egokituta eta, batez ere, enpresen helburuetara, errealitatera eta balio katera egokituta.

Expertise lerro nagusiak

  • Sentsorika aurreratua: soluzio adimendunak garatzea elikagaien eta elikadura prozesuen kalitatea ziurtatzeko. Horrela balio katearen eraginkortasuna eta kontsumitzeko konfiantza areagotzen dira. Kalitatearen eta prozesuaren parametro erabakigarriak era ez suntsigarrian eta azkar identifikatuz eta neurtuz, posible da eraginkortasuna areagotzea eta elikadura produktu eta prozesuei balioa emango dieten elementu bereizgarriak txertatzea.
  • Produktuaren eta prozesuaren kalitatea iragartzen eta preskribatzen duten ereduak garatzea: Kalitatearen iragarpenari aplikatutako Data Sciencea, ekoizpena hainbat parametroren arabera doitzea eta ezustekoei aurrea hartzea ahalbidetuko duena.
  • 4.0 Diagnostiko pertsonalizatuak: Elikagai industriei diagnostiko zorrotza egiten diegu haien prozesuak ezagutuz, 4.0 teknologia desberdinen inplementazio maila eta esparru horretan aurkitzen dituzten premiak eta oztopoak zenbatesteko. Bide orriak egitea 4.0 eraldaketarako bidean laguntzeko, pixkanaka eta haien beharretara, helburuetara eta balio katera egokituta. 
  • Ekonomia eta ingurumena ebaluatzeko eta produktuen eta prozesuen ekodiseinua egiteko tresna informatiko espezifikoak garatzea sektore edo enpresa batentzat, kostuetan aurrezteko neurriak proposatzeko eta jarduerari balio erantsia emateko ingurumenaren eta ekonomiaren ikuspegitik. Web inguruneko eta mahaigaineko tresnak ERP sistemarekin lotuta. Produktuen adibideak:
    • ECO Tool – Produkzioaren eta ingurumenaren hobekuntzarako softwarea elikagai industriarentzat: lehen tresna ‘erabilerraza’ industriarako, kontsumo puntu nagusiak, horrekin lotutako kostuak eta elikagai industrietako ingurumen inpaktua identifikatzen eta produkzio agertoki berrien simulazioa egiten laguntzen duena.
    • LOGISTIKA Softwarea – IGS aplikazioa esne gordina biltzeko, garraiatzeko eta entregatzeko zirkuituak optimizatzeko: IGS tresna bat da (Informazio Geografikoko Sistema), eta hura erabiltzen duenak pertsonalizatu egin dezake, interfaze intuitibo eta erabilerrazei esker.
  • Trazabilitatearen eta kalitate kontrolaren integrazioa sistema aurreratuetan, Blockchain teknologia kasu: kontsumitzaileentzat geroz eta handiagoa den gardentasun beharra asetzeko helburuarekin, eta baita katean jarduten duten pertsonen produkzioa eta kudeaketa hobetzeko helburuarekin ere.Dauden 4.0 soluzioetara egokitu/konekta daitezkeen sistema azkarrak edo elikagaien kalitate eta segurtasuneko parametroak detektatzeko soluzioak (“kitak”) garatzea. Molekulen presentzia antzemateko eta iragartzeko sistemak garatzea, lehengaiak, tarteko produktuak eta amaitutakoak kontrolatzeko, etiketatzeko eta araututako parametroak betetzeko…
  • Kontsumitzaileak ulertzeko eta haiekin interakzioan egoteko soluzioak eta zerbitzuak honakoen bitartez:app plataformak, gamifikazioa, emozioak identifikatzeko sentsore sistema, zehaztasunezko nutrizio soluzioen garapena, datuen analisia eta tratamendua, …