Neuromarketina eta kontsumitzailearen portaera ezagutzea

Sentsazioetatik emozioetara produktu berriak eta komunikazio-ekintzak diseinatzeko

Emozioek rol erabakigarria jokatzen dute erosteko erabakiari dagokionez. Kontsumitzaileek produktu edo marka bat aukeratzen dutenean sentimenduak nola integratzen dituzten ulertzea oso informazio baliagarria da enpresentzat, eta, zehazki, marketin eta I+G+Bko departamentuentzat.

AZTIn neuromarketineko azken teknologiak ditugu, aurpegi-era, begien jarraipena edo eye trackinga eta parametro fisiologikoak (bihotz-erritmoa edo azalaren izerditzea) neurtzeko gailuak ezagutzeko ekipoekin. Gure ekipoen funtzionamendua gure laborategian balioztatu da erreferentziazko metodologiak erabilitzen ditugu.

Oso tresna erabilgarriak dira kontsumitzaileek elikadura-estimuluen eta komunikazio- eta marketin-ekintzen aurrean duten portaera aztertzeko (publizitate-kanpainak, webguneen optimizazioa, packaging, etab.), eta honako hauek lortzeko balio dute:

• Produktu berri bat merkaturatzeak edo produktu horretan egindako hobekuntzek (formulazioa, packaging, etab.) arrakasta izango dutela iragartzeko modua hobetzea.
• Produktuaren diseinua optimizatzea (webgunea, packaginga, elikagaia, etab.), erabiltzailearen esperientzia hobetzeko.
• Publizitate-kanpainak optimizatzea eta branding-aren inpaktu emozionala maximizatzea.

Gure ekipo guztien erabilera konbinatuak emozioen alderdi inkontzientea eta objektiboa ebaluatzeko aukera ematen digu, eta horrela, metodo tradizionalen bidez eskuraezinak diren portaeraren alderdiak argitu ditzakegu.

Honako gai hauetan gabiltza:

Produktuaren test emozionala

Elikagaiek kontsumitzaileengan duten eragin emozionala aztertzen ari gara. Oso tresna lagungarria da produktu berri bat merkaturatzeak arrakasta izango duela iragartzeko edo produktu horretan (formulazioan, packagingean,…) hobekuntzak sartzeko.

Erabiltzailearen esperientzia ebaluatzea

Produktua manipulatzen den moentu guztien ebaluazioren bidez, haren diseinua optimizatzen dugu esperientzia hobetzeko.

Produktuaren edo zerbitzuaren komunikazioa diseinatzen laguntzea

Publizitate-kanpainak optimizatzen ditugu (web-formatua, liburuxkak, telebistako iragarkiak, besteak beste), intereseko arloetan arreta maximizatzeko eta, aldi berean, erantzun emozional positiboa sustatzeko. Bistaratzeko batez besteko denbora (time spent), bistaratze-kopurua edo arreta lehen aldiz gelditzeko behar den denbora (time to first fixation) bezalako parametroek aukera ematen dute intereseko eremuek jasotzen duten arreta bisuala optimizatzeko.