AZTIn, ezagutza zientifikoa eta ikerketa aplikatua eragin handiko soluzio bihurtzen ditugu, itsas ingurunearen, elikaduraren eta osasunaren arloetan

Klima-aldaketak ozeanoan, itsas ekosistemetan eta haien mende dauden jardueretan dituen ondorioak ikertzen ditugu. Datuak, ereduak eta soluzioak sortzen ditugu inpaktuak aurreikusteko, arriskuak murrizteko eta egokitzapen-estrategiak babesteko.

Ezagutza zientifikoa eta soluzio teknologikoak garatzen ditugu arrantza eta akuikultura jasangarriago, eraginkorrago eta erresilienteago baterantz egiteko. Itsas baliabideen kontserbazioan, erauzketa- eta akuikultura-jardueraren hobekuntzan eta sektorearen lehiakortasunean lan egiten dugu, ekonomia urdinaren esparruan.

Ozeanoaren eta kostaldearen portaera behatu, modelizatu eta aurreikusten dugu, itsas segurtasuna hobetzeko, arriskuak aurrez antzemateko eta kostaldearen kudeaketa jasangarria babesteko. Datu ozeanografikoak informazio erabilgarri bihurtzen ditugu administrazioentzat, portuentzat, itsas sektoreentzat eta komunitate zientifikoarentzat.

Itsasoko espazio-plangintzarako eta ondasun eta zerbitzu ekosistemikoen kudeaketa iraunkorrerako irtenbideak eskaintzen ditugu, portu-industriarekin, offshore sektorearekin eta administrazio publikoekin lankidetzan, ekonomia urdin erresilienteago eta iraunkorrago baterako trantsizioan.

Bioteknologia aplikatzen dugu elikaduraren, osasunaren, akuikulturaren eta ingurumenaren sektoreetarako osagai, prozesu eta produktu berritzaileak garatzeko. Mikroorganismoekin, entzimekin, fagoekin eta biomolekulekin lan egiten dugu soluzio seguruagoak, jasangarriagoak eta lehiakorragoak sortzeko.

Elikagaien industria eraginkorrago, zirkularrago eta erresilienteago baterako soluzioak garatzen ditugu. Uraren eta energiaren kontsumoa murrizten, azpiproduktuak balorizatzen, galera eta hondakinak prebenitzen, ontzi jasangarriak garatzen eta proteina berrietan lan egiten dugu.

Elikagai seguruak, benetakoak eta trazagarriak bermatzeko ezagutza eta soluzioak sortzen ditugu. Arriskuak murrizten, araudi-eskakizunak betetzen eta elikadura-balio kate osoan konfiantza indartzen laguntzen dugu.

Elikaduraren eta osasunaren arteko harremana ikertzen dugu, ebidentzian oinarritutako soluzio nutrizional pertsonalizatuagoak eta osasungarriagoak garatzeko. Bioteknologia, zientzia omikoak, adimen artifiziala, biomarkatzaileak eta azterketa klinikoak uztartzen ditugu elikagaien, osagaien eta osasun-zerbitzuen berrikuntza bultzatzeko.

Elikagai berritzaile, osasungarri eta jasangarriak garatzen ditugu formulazio aurreratuaren, osagai berrien eta prozesatze-teknologien bidez. Industriari laguntzen diogu kontsumoaren, osasunaren, jasangarritasunaren eta lehiakortasunaren eskakizun berrietara egokitutako produktuak sortzen.

Kontsumitzaileen ohiturak, lehentasunak eta erabakiak nola aldatzen diren aztertzen dugu. Adimen lehiakorra, analisi sentsoriala, neuromarketina, kontsumitzaileekin egindako azterketak eta tresna digitalak uztartzen ditugu joerak aurreikusteko eta berrikuntza-aukerak identifikatzeko.