2023ko itsasaldi-taulak

Bilboko eta Pasaiako 2023ko mareen taulak pdf formatuan deskargatu.

Urtero bezala, itsasaldi-taulak aprobetxatzen ditugu AZTIn ikertzen ditugun hainbat eremu ezagutzera emateko. Oraingo honetan, ekosistema-zerbitzuak aukeratu ditugu, hau da, ekosistemek giza ongizateari egiten dizkioten ekarpenak eta gure bizi-kalitateari onurak ematen dizkiotenak. Hiru motatakoak izan daitezke:

• Hornikuntza-zerbitzuak: ekosistemako organismo bizidunetatik edo bizigabeetatik datozen onura materialak dira. Adibidez: elikagaiak, edateko ura, olatuen energia…
• Erregulazio- eta mantentze-zerbitzuak: ekosistemen funtzio erregulatzaileari esker lortutako onurak dira. Ekosistema horiek ingurumena moderatzen dute, eta gizakiaren osasunari eta segurtasunari eragiten diote. Adibidez: klimaren erregulazioa, mantenugaien birziklapena, higaduraren kontrola…
• Kultura-zerbitzuak: ongizatearekin, balioekin, espiritualtasunarekin edo ezagutzarekin lotutako onura immaterialak dira. Horren adibide dira jolas-jarduerak, tradizioak eta abar.