Arrantza laginketa programa
Arrantza baliabideen eta jardueraren ustiapen jasangarriago baterako datu bilketa
Datu bilketa Arrantza Politika Bateratuaren (EAP) funtsezko alderdi bat da. Aholkularitza zientifikoa egiteko beharrezkoa den informazioa ematen du, horretan oinarritzen baita Europako flotek ustiatutako arrantza baliabideen kudeaketa. Datu bilketa arautzen duen Europako esparrua DCMAP- Data Collection Multiannual Plan deitzen da (Batzordearen 2016/1251 Betearazpen Erabakia eta Europako Parlamentuaren eta Kontseiluaren 2017/1004 Erregelamendua).
AZTI itsas-ekosistemaren eta bere baliabideen ustiapenaren egoerari buruzko datuak biltzeaz arduratzen da, euskal flota eta euskal portuetan egindako lehorreratzeei dagokienean. DCMAPek ezarritako betebeharrei erantzuteko, gure lan programak honako zeregin hauek jasotzen ditu:
- Arrantza komertzialari dagozkion aldagaien laginketak egitea (harrapaketak, esfortzua, etab.), portuetan eta itsasoan, arrantza sektoreak berak jasotako informazio-bilketa barne (arrantza-egunkariak, lehen salmenta-oharrak, etab.).
- Espezieen parametro biologikoen laginketa (luzera, pisua, adina, sexua, heldutasuna).
- Itsasoan kanpaina zientifikoak egitea.
- Itsasoko laket-arrantzaren laginketa.
- Jasotako informazio guztia aztertzea eta urteko laginketa-planak ezartzea.
- Laginketaren koordinazio nazionala eta nazioartekoa.
- Stock-aren ebaluaziorako lanketan aritu ohi diren nazioarteko lan-taldeek behar duten oinarrizko informazioa prestatzea (luzeraren araberako harrapaketak, adinaren araberakoak, eta abar).
Datu zientifikoen analisien bidez arrantza-baliabideen eta jardueren ustiapen jasangarria lortzen laguntzen dugu.
Aplikatzeko sektoreak
- Administrazio publikoak eta erakunde ofizialak.
- Arrantza sektorea.
- Gizartea.
Onurak
- Arrantza sektoreko datuak biltzeko, kudeatzeko eta erabiltzeko Europako Esparruaren (DCMAP) eskakizunei erantzutea.
- Ondorengo elementuen ebaluaziorako beharrezkoa den informazioa ematea:
- arrain-populazioen egoera,
- arrantza-floten egoera sozioekonomikoa,
- arrantzak ekosisteman dituen ondorioak,
- arrantza kudeatzeko neurrien eragina.
- Datu zientifikoen analisien bidez, arrantza baliabideen eta jardueraren ustiapen jasangarrian laguntzea.
Esperientzia egiaztatua
- Diziplina anitzeko taldea.
- Arrantza sektoreko datu-bilketan esperientzia 1986tik.
- Europako Arrantzako Datu-bilketa Esparruan parte hartzea, 2002an hasi zenetik.
- Arrantza-erregelamenduak lantzeko eskualde-mailako erakundeetako lan-taldeetan parte hartze aktiboa izatea (ICES, ICCAT edo IOTC, besteak beste).
Deskargatzeko eskuragarri dauden Protokoloen gidak
Arrantza komertziala
Laginketa itsasoan:
- Arraste-arrantzako laginketa protokoloa.
- Inguraketa-arrantzako laginketa protokoloa.
- Espezie babestuen ustekabeko harrapaketen laginketa protokoloa (arrastea)
- Espezie babestuen ustekabeko harrapaketen laginketa protokoloa (inguraketa)
Laginketa portuan
- Luzeren laginketa protokoloa.
- Parametro biologikoen laginketa protokoloa (antxoa)
- Parametro biologikoen laginketa protokoloa (sardina)
- Parametro biologikoen laginketa protokoloa (berdela)
- Parametro biologikoen laginketa protokoloa (txitxarroa)
- Parametro biologikoen laginketa protokoloa (legatza)
- Parametro biologikoen laginketa protokoloa (oilarra)
Laginen kudeaketa
Datuen kudeaketa
Itsasoko laket-arrantza
Ebaluazio zientifikoko kanpainak
- BIOMAN kanpaina: antxoa eta sardina
- JUVENA kanpaina: antxoa gazteak
- HIRU URTEZ BEHINGO kanpaina:berdela eta txitxarroa
- PALPROF KANPAINA: sakonerako espezieak
- BFT Index kanpaina: hegalaburra
