PALPROF

Testuingurua

Zientzia-kanpaina gehienak arraste-arrantzako tresneriarekin egiten dira arrainen biologia eta stockak ikertzeko. Baina, askotan, arrastea ez da posible: batzuetan itsas hondo harritsuak direlako, eta beste batzuetan, espezie bereziak dituzten eremu babestuetan kokatzen direlako, adibidez koral-arrezifeak. Bestalde, badaude arraste-sareekin ia inoiz harrapatzen ez diren espezieak ere. Horrelakoetan, palangreak baliabide egokiagoak dira arrainen populazioen ugaritasuna eta dibertsitatea modu fidagarrian neurtzeko.

Helburu nagusia

PALPROF proiektuaren helburu nagusia da ugaritasun-indizeak sortzea, arrantza-stockak hobeto ebaluatzeko, eta aldi berean, sakonera handiko itsas hondoetako habitatak eta espezieen dibertsitatea ezagutzea, bereziki marrazoei buruzko informazioa biltzea.

Emaitzak

1. Marrazoen eta beste arrain batzuen biomasa (kg/h) eta kopurua (ale/h) neurtzea.
2. Espezieen banaketa-mapak egitea, bai horizontalean bai sakoneran.
3. Biodibertsitate-indizeak eta ingurumen-adierazleak sortzea, Europako araudiek (DCF, DMEM, OSPAR) eskatzen dituztenak.
4. Habitatak kartografiatzea eta espezie arraroen laginak biltzea ikerketa genetikoetarako eta kutsatzaileen eraginei jarraipena egiteko.

Palangre-kanpainen abantailak

Palangrearen bidez harrapaketa eta ahalegina erraz neurtu eta errepikatu daitezke, eta mota askotako hondoetan erabili daitezke, baita harritsuetan ere. Arraste-sareak 2.000 metrora arte erabiltzen dira gehienez, baina palangreak 8.000 metrora arte jar daitezke. Gainera, espezieen kokapena eta sakonera zehatzago ezagutzeko aukera ematen dute, eta hondoko ekosistemak gehiago errespetatzen dituzte.

Lortutako aurrerapenak

ICES erakundean L4398 kodearekin identifikatuta dago (Deep-water longline survey, PALPROF) eta gaur egun Europako kontinentean egiten den amu-arrantzako kanpaina bakarra da.

Gaur egun, PALPROF kanpaina ikerketa-jarduera (kanpaina zientifikoa) gisa aitortua dago Espainiako datu arrantzaleak biltzeko lan-planean (13.1 atala). Horrela, kanpaina honek indartu egiten du datu biologiko, ingurumeneko, tekniko eta sozioekonomikoen bilketa-sistema: itsas baliabide biologiko ustiatuen eta ekosistemen egoera ebaluatuz, arrantza-maila eta jarduera arrantzaleen inpaktua neurtuz, eta arrantza zein akuikulturaren emaitza sozioekonomikoak aztertuz.

Informazioa eskaintzen die kudeatzaileei, itsas baliabide biologiko bizien ustiapena aurreikusitako mailen barruan mantentzeko. Kanpaina nazio-erreferentziako kanpaina gisa barne hartzeak sendotu egiten du Espainiak eta/edo EBk parte-hartzaile edo behatzaile gisa dituzten erabakigune, aholkularitza eta espezieen ebaluazio taldeetan parte-hartzea. Zentzu horretan, 2020an kanpaina ICESeko Elasmobrankioen Lan Taldean (WGEF) sartu zen stocken ebaluaziorako erreferentzia-indize gisa, eta hortik aurrera, urtero lagunduko du sakonera handiko marrazoen stocken ustiapenari buruzko aholku zientifikoa osatzen.

• PALPROF kanpaina derrigorrezko gisa sartu da 2022-2027 eperako EUMAP berrikuspenean.
• Bederatzi urteko serie historikoa duenez, ugariaren (nº/h) eta biomasa-datuak (kg/h) kontuan hartzen dira ICESeko WGEF eta WGDEEP (sakonera handiko arrantza-baliabideen biologia eta ebaluazioari buruzko lan taldea) taldeetan, marrazoen eta sakonera handiko teleosteoen stockak ebaluatzeko.
• Honako artikulu zientifiko hau argitaratu da:
  Diez G, Arregi L, Basterretxea M, Cuende E, Oyarzabal I (2021). Preliminary observations on abundance and distribution of fish fauna in a canyon of the Bay of Biscay (ICES Division 8c). Journal of the Marine Biological Association of the United Kingdom 101, 169–178. https://doi.org/10.1017/S0025315420001265. Argitalpen hori kanpainaren lehen bost urteetako emaitzen ondorioa da, eta kanpaina espezie horien ebaluazio eta harrapaketa aholkuetan txertatzeko oinarri gisa erabili da.
• Urteroko kanpainek aurrerantzean ere ekarriko dituzte sakonera handiko espezieen stocken ebaluazio zientifikoan lagungarri izango diren datu eta informazio baliotsuak, ikuspegi arrantza-ekosistemikotik abiatuta.

Intereseko dokumentazioa

• Protokoloen gida
• Espezieen gida
• PALPROF 2024 txostena