Jardunaldia lasta-urari buruzko nazioarteko hitzarmenaz, abenduan, Bilboko Portuan
Azken berriak
AZTI eta Serrats Ekonomia Zirkularraren kategorian Tuna Awards sarien irabazleak, RESALTUN proiektuagatik
Mahatsak, laranjak eta olibak bigarren bizitza bat aurkitu dute animalien elikadurarako tokiko osagai gisa
EBko arrantza-batzorde zientifikoak konfiantza berritu dio AZTIri hiru ikertzaile izendatuta, horietako bat batzordeburutzarak
(Santurtzi, 2018ko azaroaren 8a) RETOLASTRE, “Lasta-urari buruzko nazioarteko hitzarmena: aplikazioa eta erronkak” II. Jardunaldia egingo da Bilboko Portuan abenduaren 10ean. Bilboko Portuko Agintaritzak eta AZTIk antolatzen dute saioa, eta hauei dago zuzendua: hitzarmen horren aplikazio eta erronken berri izan nahi duten portu-sektoreko enpresei eta teknologia- zein trebakuntza-zentroei.
Portuko Agintaritzak eta AZTIK antolatzen dute jardunaldia, eta doakoa da; helburua, berriz, hau du: erantzutea agintari eskudunen artean nahitaez bete beharreko hitzarmen horrek sortzen dituen zalantzei. Espezie inbaditzaileak itsaso batetik bestera ez garraiatzea du xede hitzarmenak, eta 50.000 bat merkantzia-ontziri eragingo die. Ituna aplikatzearen kostua, berriz, 100.000 milioi dolarrekoa izango da, Nazioarteko Nabigazio Ganberaren arabera (ICS).
Horregatik, erronka eta aukera handiak dituzte itsas sektoreak eta teknologia- zein trebakuntza-zentroek, eta guztiak izango dituzte aztergai ekitaldian.
Izena emateko epea azaroaren 30ean amaituko da, eta toki-kopurua mugatua da.
http://old.azti.com/retolastre/inscripcion/