Finantzaketa
PID2024-157518OB-I00 proiektua honako hauek finantzatu dute:
Antxoaren garraio-, erreklutamendu- eta tamaina-prozesuak Bizkaiko Golkoan
Antxoa europarra (Engraulis encrasicolus) funtsezko espeziea da bai itsas ekosistemarentzat, bai Bizkaiko Golkoko arrantza- eta kontserba-jarduerarentzat. Haren populazioaren bilakaera, neurri handi batean, urteko erreklutamenduaren araberakoa da, hau da, arrautzen, larben eta gazteen biziraupenaren araberakoa.
Arrantza honen kudeaketari esker, stocka leheneratu eta egoera onean mantendu ahal izan da 2005etik 2010era bitartean arrantza itxita egon ondoren. Hala ere, oraindik ez dago argi zer prozesuk erregulatzen duten erreklutamendua. Gainera, azken urteotan biomasa handiak erregistratu dira, baina, aldi berean, antxoen batez besteko tamaina txikitu egin da; orain arte aztertutako hipotesiek ez dute fenomeno hori guztiz azaltzen.
TRANSPOTTINGek aztertuko du ea arrautzen eta larben garraio- eta atxikipen-prozesuek, harraparitza-harremanekin batera, eragina duten haien biziraupenean eta gazte-fasera iristen diren aleen ezaugarrietan.
TRANSPOTTINGen helburu nagusia da zehaztea Bizkaiko Golkoko antxoa-arrautzen eta -larben atxikipen- eta sakabanatze-prozesuek zer eragin duten haien biziraupenean eta, ondorioz, erreklutamenduaren intentsitatean eta gazteen zein helduen tamainan.
Horretarako, proiektuak helburu espezifiko hauek izango ditu:
TRANSPOTTINGek aukera emango du zehazteko arrautzak eta larbak plataforma kontinentaletik kanpora garraiatzeak zenbateraino aldatzen duen harraparitzarekiko duten esposizioa, eta prozesu horiek zer eragin duten haien biziraupenean eta ondorengo erreklutamenduan.
Proiektuak ezagutza berria emango du garraio-ereduen, erreklutamenduaren intentsitatearen eta bizirik irauten duten aleen tamainaren arteko lotura zehazteko. Horrela, Bizkaiko Golkoko antxoa-populazioan ikusitako aldaketak azaltzen lagunduko du.
Era berean, garraio-eredu historikoak berreraikitzeko metodologia bat garatuko da, eta behaketa-sistema erdiautonomoen eta garraio-ereduen erabilera ebaluatuko da, antxoaren lehen bizi-faseen jarraipenerako tresna osagarri gisa.
Emaitzek antxoa-populazioaren ebaluazio ekosistemikoagoa egiten lagunduko dute, haren dinamika baldintzatzen duten prozesu fisikoei eta biologikoei buruzko informazioa txertatuta.
Proiektuak, halaber, azken urteotan ikusitako tamaina-murrizketa garraio-ereduen denborazko aldaketen ondorio den edo ingurumen-baldintzetan gertatutako aldaketa iraunkorragoekin lotuta dagoen zehazten lagunduko du.
Ezagutza horri esker, stockaren ugaritasunean eta ezaugarrietan gerta daitezkeen aldaketak aurreikusteko gaitasuna hobetu ahal izango da, eta informazio erabilgarria eskaini arrantzaren kudeaketa jasangarrirako. Era berean, arrantza-sektorea eta kontserba-industria baliabide horren aldaketetara egokitzen lagunduko du.
PID2024-157518OB-I00 proiektua honako hauek finantzatu dute:
Sektoreak: Arrantza eta akuikulturako sektorea
Ikerketa lerroak: Arrantza eta akuikultura eraginkorra eta jasangarria, Ekonomia urdina, Ozeanografia operazionala
Ikerketa-azpilerroak: Arrantzarako teknologiak, Arrantzaren kudeaketa jasangarria, Behaketa eta monitorizazioa denbora errealean, Ozeanoaren eta kostaldearen modelizazioa
