Eskuragarri dago bakteriofagoei eskainitako memoria berria; argitalpen honek teknologia emergente honen ezagutza, aurrerapen zientifikoak eta aplikazio nagusiak biltzen ditu elikadura-sektorean.
Bakteriofagoak —bakterio espezifikoak infektatzeko gai diren birus naturalak— gero eta garrantzi handiagoa hartzen ari dira sektorearen erronka nagusiei aurre egiteko irtenbide eraginkor gisa, hala nola elikagaien segurtasuna bermatzea, antibiotikoen erabilera murriztea eta erresistentzia antimikrobianoen aurkako borroka. Testuinguru horretan, memoriak ikuspegi integrala eskaintzen du, eta elikadura-kate osoan duten aplikazioa aztertzen du: lehen ekoizpenetik (nekazaritza, abeltzaintza eta akuikultura) hasi, eta elikagaien eraldaketa, kontserbazioa eta ontziratzeraino.
Dokumentuak, gainera, ezarpen industrialerako funtsezko alderdiak jorratzen ditu, besteak beste, faktore teknikoak, arautzaileak eta merkatuari lotutakoak, bai eta AZTIk aktiboki parte hartzen duen proiektuen adibide zehatzak ere. Horrela, sektoreko profesionalentzat zein fagoetan oinarritutako irtenbide berritzaileak txertatzeko interesa duten erakundeentzat erreferentziazko baliabide gisa kokatzen da.
Argitalpen honekin, zientzia erabilgarriaren aldeko gure konpromisoa indartzen dugu, transferentziara bideratua eta One Health ikuspegiarekin lerrokatua, elikadura-sistema seguruago, jasangarriago eta erresilienteagoak garatzen laguntzeko.
Gure zerbitzuak hobetzeko asmoz, berezko eta hirugarrengoen cookieak erabiltzen ditugu informazio estatistikoa jasotzeko. Nabigatzen jarraitzen baduzu edo onartu botoia sakatzen baduzu, horien erabilpena onartzen duzula ulertuko dugu.
Zure lehentasunak konfigura ditzakezu horretarako gaitutako botoiaren bidez. Nahi izanez gero, informazio gehiago lor dezakezu gure Cookie Politikarenbidez.
