Albisteak
Edukien aurkibidea
Bilbon, 2026ko maiatzak 7. – Grupo Iruñak Iberdrola dorrean duen jatextea Sustainable Gastronomy zigilua eskuratu duen lehenengoa bihurtu da; ziurtagiri hori AZTIk eta Basque Know-How Fundazioak bultzatu dute, BBK Kunaren babesarekin eta sektorearen parte-hartze aktiboarekin. Gainera, jatetxeak ziurtagiriaren maila gorena lortu du, eta horrek mugarri garrantzitsua ezartzen du ekosistema honentzat.
Sustainable Gastronomy zigiluak hiru ziurtapen-maila ezartzen ditu, bere irizpideen betetze-mailaren arabera, eta zortzi arlotan egituratzen da:
Ikuspegi horri esker, interesa duten jatetxeek hobekuntza-aukerak identifikatu eta eredu arduratsuago baterantz egin dezakete aurrera, beren eragin negatiboa minimizatuz eta sektorearen zein gizartearen eskaerekin lerrokatuz.
Sustainable Gastronomy ziurtagiria eta zigilua AZTIk eta Basque Know How Fundazioak diseinatu eta garatutako ekimena dira. Proiektuak BBK Kunaren —BBK Banku Fundazioaren gizarte-berrikuntzarako gunearen— finantzaketa eta babes estrategikoa ditu. Erakunde horrek 2020tik sustatzen du ziurtagiri hau, euskal gastronomian jasangarritasuna txertatzeko funtsezko tresna gisa, irizpide zientifikoetan eta ezagutza aplikatuan oinarrituta.
Grupo Iruñak Iberdrola dorrean duen jatetxeaz gain, beste establezimendu batzuk ere ziurtapen-prozesuan murgilduta daude, eta horrek sektorearen gero eta konpromiso handiagoa erakusten du. Horien artean daude Bilboko Artxandako Ostalaritza Eskola, Amorebieta-Etxanoko Jauregibarria jatetxea, Berangoko Olagorta jatetxea eta Bilboko Mugarra, La Olla Plaza Nueva eta Aitaren jatetxeak. Lehenengoa izan ezik, gainerakoak garapen-fasean daude (“in progress”), eta zigilua mailaren batean lortzeko aukera emango dieten hobekuntzak ezartzen ari dira.
Interesa dutenek proiektuaren webgune ofizialaren bidez eska dezakete ziurtagiria. Prozesu horrek negozioaren jasangarritasun-maila ebaluatzeko, hobekuntza-arloak identifikatzeko eta eragin positiboa indartuko duten estrategiak ezartzeko aukera ematen du, ekimena sustatzen duten erakundeen laguntzarekin.
Iberdrola dorreko jatetxearen ziurtapenak Euskadin gastronomia jasangarriago baterantz doan bideari hasiera eman dio. Eredu honek balioa sortzen du berrikuntza, konpromisoa eta erantzukizuna uztartuz, eta sektoreak etorkizun jasangarriago baterako trantsizioan duen funtsezko eragilearen rola indartzen du.