BIOSPAIN Europako hegoaldeko bioteknologia-ekosistemako topagune nagusietako bat da, eta bioteknologiari lotutako enpresak, inbertitzaileak, erakundeak, ikerketa-zentroak eta profesionalak biltzen ditu.
2026ko edizioa irailaren 29tik urriaren 1era egingo da Bilbao Exhibition Centren. Programak honako hauek uztartuko ditu: aldebiko bilerak partnering plataformaren bidez, zientziari, berrikuntzari eta inbertsioari buruzko hitzaldi-programa, erakusketa-gunea, Talent Day eta networking jarduera ugari.
AZTIk BIOSPAIN 2026rekin lankidetzan dihardu, eta topaketan parte hartuko du elikaduran, osasunean eta bioekonomia urdinean aplikatutako bioteknologiaren arloan dituen gaitasunak aurkezteko: doitasunezko nutriziotik, teknologia omikoetatik eta mikrobiomaren azterketatik hasi, eta hartzidurara, bioprozesuetara, osagai funtzionaletara, itsas bioaktiboetara eta biobaliabideen balorizaziora arte.
Topaketa bioteknologia-enpresei, inbertitzaileei, startupei, zentro teknologiko eta ikerketa-zentroei, unibertsitateei, administrazioei eta bioteknologiaren arloan lankidetzarako, berrikuntzarako eta negoziorako aukera berriak sortzeko interesa duten beste eragile batzuei zuzenduta dago.
Informazioa eta izen-emateak ekitaldiaren webgunean: https://biospain.com/