NutriHealth Corner

Elikaduraren eta osasunaren arteko harremana aztertzeko gunea

NutriHealth Corner AZTIk diseinatu eta bultzatutako azpiegitura da. Nutrizioaren eta osasunaren biomarkatzaileak ebaluatzea, pertsona bakoitzak dietari nola erantzuten dion aztertzea eta nutrizio-arloko esku-hartze pertsonalizatuagoak garatzeko ebidentzia zientifikoa sortzea du helburu.

Boluntarioei arreta emateko eta haien egoera ebaluatzeko espazioak, analisi molekularrerako teknologiak eta parametro fisiologikoak neurtzeko teknologiak biltzen ditu. Gaitasun horiek AZTIn dagoeneko eskuragarri dauden teknologia omikoak osatuko dituzte, pertsona bakoitzaren nutrizio-egoeraren eta egoera metabolikoaren ikuspegi osoagoa izateko.

Ezaugarriak

• Boluntarioekin ikerketak egiteko egokitutako espazioak, harrera egiteko eta sentsore-teknologien bidez ebaluazioak egiteko guneekin.
• Erresonantzia magnetiko nuklearreko teknologia, metabolitoak analizatzeko eta elikadurarekin eta osasunarekin lotutako konposatuen eraldaketa aztertzeko.
• Neurketa-sistema ez-inbaditzaileak, parametro fisiologikoak azkar eta parte-hartzaileentzat modu erosoan ebaluatzeko.
• Analisi molekular eta genomikorako ekipamendua, mikrobioma eta nutrizioarekin, metabolismoarekin eta zahartze osasungarriarekin lotutako beste biomarkatzaile batzuk aztertzeko.

Aplikazio nagusiak

• Pertsona bakoitzaren nutrizio-profila eta profil metabolikoa karakterizatzea, metabolismoari, lipidoei eta mikrobiomari buruzko informazioa bateratuz.
• Dietaren eta nutrizio-arloko esku-hartzeen aurrean izandako erantzuna ebaluatzea, informazio molekularra eta parametro fisiologikoak uztartuz.
• Metabolitoak eta konposatu bioaktiboak aztertzea, baldintza kontrolatuetan nola eraldatzen diren ulertzeko.
• Elikagai funtzionalak eta elikadura-osagarriak garatzen laguntzea, haien osagaien portaerari buruzko ezagutza sortuz.
• Doitasuneko nutrizioaren eta zahartze osasungarriaren arloan ikertzea, osasun-sistemako eragileekin, elikagaien industriarekin eta zentro teknologikoekin lankidetzan.