Klima-aldaketarekiko kalteberatasunaren ebaluazioa kostaldeko eta itsas eremuetan

Ebazten duen arazoa

Klima-aldaketak areagotu egiten ditu itsas mailaren igoera, azidotzea, itsas bero-boladak eta muturreko gertaerak. Fenomeno horiek arriskuan jartzen dituzte azpiegitura estrategikoak —portuak, garraio-sareak eta kostaldeko instalazioak— eta habitat kalteberak. Funtsezkoa da jakitea zein lurralde eta baliabide fisiko dauden arrisku horien eraginpean gehien, lurralde-antolamendu erresilientea lortzeko.

Zer egiten dugu eta nola egiten dugu

AZTIn, itsas zientziak eta modelizazio aurreratua uztartzen ditugu lurraldearen kalteberatasuna aztertzeko:

• Klimak habitatetan, azpiegituretan eta kostaldeko dinamiketan dituen eraginak ebaluatzen ditugu.
• Sistema naturalen eta fisikoen sentikortasuna eta esposizioa aztertzen ditugu.
• Eskualdeetara egokitutako ereduen bidez, klima-agertokiak eta haien tokian tokiko eraginak proiektatzen ditugu.
• Arrisku-mapak eta lurraldearen kalteberatasun-adierazleak sortzen ditugu.
• Kudeatzaile publikoei zuzeneko aholkularitza eskaintzen diegu, klima-arriskua antolamendu- eta egokitzapen-planetan txerta dezaten.

Onura nagusiak

• Datu fisiko, ekologiko eta espazialetan oinarritutako diagnostiko sendoa.
• Klima-aldaketara egokitzeko inbertsioak eta kostaldearen antolamendua planifikatzeko laguntza.
• Portuetan, kostaldeko hiri-eremuetan, habitat babestuetan eta naturaguneetan aplikatzeko aukera.
• Lurraldea egokitzeko eta kontserbatzeko Europako estrategiekin bat etortzea.