Itsas espezieen klima-erresilientziaren ebaluazioa

Ebazten duen arazoa

Klima-aldaketak merkataritza-intereseko itsas espezieen banaketa, ugaritasuna eta produktibitatea aldatuko ditu datozen urteetan. Eragin horien etorkizuneko ebaluaziorik gabe, ezinezkoa da arriskuak aurreikustea eta kudeaketa behar besteko aurrerapenez egokitzea.

Zer egiten dugu eta nola egiten dugu

AZTIn, sektorearen plangintza estrategikora bideratutako etorkizuneko klima-ebaluaziorako ikuspegi bat garatzen dugu:

• Klima-kalteberatasunaren ebaluazioa, informazio biologikoa, ekologikoa, fisiologikoa eta ozeanografikoa uztartuz.
• Espezieek emisio- eta ingurumen-estresaren agertoki desberdinen aurrean izan dezaketen erantzuna simulatzen duten iragarpen-ereduak.
• Ustiatutako espezieen erantzuteko gaitasuna zenbatesteko egokitzapen genetikoaren iragarpen-ereduak.
• Ustiatutako espezieen egokitzeko gaitasuna zenbatesteko erresilientzia genetikoaren analisia.
• Etorkizuneko arriskuaren kartografia eta esposizio-mapa dinamikoak, espeziearen edo arrantza-eremuaren arabera.
• Kudeaketa-politikak, arrantza-antolamendua eta akuikultura-plangintza bideratzeko egokitzapen-neurrien proposamenak.

Onura nagusiak

• Espezie gakoetan eta haien habitatetan etorkizunean klima-aldaketak izango dituen eraginak aurreikustea.
• Epe ertain eta luzera arrantza- eta akuikultura-sektoreak klima-aldaketara egokitzeko estrategiak definitzen laguntzen duten tresnak.
• Ekintzak lehenestea, espezie bakoitzaren kalteberatasunaren eta egokitzeko gaitasunaren arabera.
• Uraren Esparru Zuzentaraua (UEZ), Itsas Estrategiari buruzko Esparru Zuzentaraua (IEEZ) eta Europako Itun Berdea bezalako arau-esparruekin bat datozen erabakiak hartzen laguntzea.
• Kontserbazio proaktiboko politiketarako eta ekosistemen arriskua murrizteko oinarri zientifikoa.