Testuingurua
1224/2009 (EE) Erregelamenduari jarraiki, arrantzak itsas habitatetan eta erregistratutako espezieetan duen eragina ebaluatzeko beharrezko datuak lortzeko beharra ezartzen da, agregazio-maila egokian, lan-plan nazionalak gauzatzen dituzten erakunde nazionalek.
Arrantza-aparailuek habitatetan duten eragina ezagutzeko interesa honako honetan datza: lotura argia dago arrainen ugaritasunaren eta habitaten egiturazko ezaugarrien artean; eta egiturazko ezaugarri horiek funtsezko habitata zehazten dute arrainentzat eta krustazeoentzat, eta horien artean daude merkataritza-intereseko espezieak (Galparsoro et al., 2024b). Gainera, habitatak kontserbazio-egoera onean babesteak haien produktibitatea berma dezake ekosistemen zerbitzuen ikuspegitik eta, zehazki, baliabide biologikoen ikuspegitik (Campagne et al., 2023).
Horretarako, azterketa pilotu bat egingo da habitat bentonikoen ingurumen-egoera eta arrantza-aparailuek habitat horietan duten ingurumen-inpaktua ebaluatzeko beharrezkoak diren datuak lortzeko.
Helburuak
Proposatzen den lanaren helburu nagusia laginketa-teknikak doitzea da, ondoren itsas hondoarekin kontaktuan dauden arrantza-aparailuek habitat bentonikoetan sortzen duten ingurumen-inpaktuaren ebaluazioa egiteko behar diren datuak lortzeko. Helburu hori lortzeko, azterketa pilotuaren iraupena 5 urtekoa (2022-2026) izatea planteatu zen, oraingoa (2024), hirugarren urtea izanik.
Proiektu honen helburu espezifikoak honako hauek dira:
- Aurreko kanpainetako (2022 eta 2023) sedimentologiari, infaunari (makrobentoak) eta epifaunari (megabentoak) buruzko datuak integratzea eta aztertzea.
- 2023ko kanpainan eskuratutako urpeko irudiak eta bideoak aztertzeko metodologia prest jartzea.
- Hondoarekin kontaktuan dute arrantza arteen kalak identifikatzea, mugatzea eta ezaugarritzea, VMS (Vessel Monitoring System) eta AIS (Automatic Identification System) erregistroetatik abiatuta.
- Sedimentu- eta infauna-lagin berriak eskuratzea, sedimentu-dragaren bidez.
- Epifaunaren lagin berriak lortzea, makila-bouarekin arrastatuta.
Impaktua
Urteko ekitaldi honetan egindako lanek ebidentzia zientifikoak sortzea espero da, ondoren itsas hondo eta habitat bentonikoen ingurumen-egoera ebaluatzeko eta arrantzak habitat bentonikoetan duen eragina ezaugarritzeko. Informazio hori funtsezkoa izango da arrantzaren kudeaketa ekosistemikoan laguntzeko.
Finantzaketa
Eusko Jaurlaritzak finantzatua, Europako Itsas, Arrantza eta Akuikultura Funtsaren bidez (FEMPA)
