INKUBA SAREA 2

Testuingurua

Nekazaritzako elikagaien sektorea estrategikoa da Akitania Berria–Euskadi–Nafarroa Euroeskualdearentzat. Lurralde horretan, berrikuntza, ekintzailetza eta lurraldeen arteko lankidetza funtsezkoak dira lehiakortasuna indartzeko eta negozio-aukera berriak sortzeko.

Testuinguru horretan, FoodTech startupek ezagutza espezializatua eskuratu behar dute, beren soluzioak merkatuaren benetako beharrekin kontrastatu eta hazten lagunduko dieten beste lurralde batzuetako enpresa eta eragileekin harremanak sortu.

INKUBA SAREA 2 programaren lehen edizioaren jarraipena da, eta mugaz gaindiko ikuspegia indartzen du. AGOUR, AZTI eta CEINek sustatutako proiektuak ezagutza zientifiko eta teknologikoa, enpresa-esperientzia eta inkubazio- eta azelerazio-gaitasunak uztartzen ditu, Akitania Berriko, Euskadiko eta Nafarroako startupei laguntzeko.

Helburuak

INKUBA SAREA 2ren helburua da Euroeskualdean FoodTech arloko ekintzailetza eta berrikuntza sustatzea, enpresa-ekimen berrien garapena, balidazioa eta mugaz gaindiko hedapena bultzatuz.

Horretarako, proiektuak nekazaritzako elikagaien sektoreak hiru lurraldeetan dituen beharrak eta aukerak identifikatuko ditu, eta hazteko potentziala duten startupak hautatuko ditu. Programak prestakuntza eta laguntza espezializatua eskainiko ditu bootcamp baten eta mugaz gaindiko murgiltze-egonaldi baten bidez. Horrez gain, enpresekin zuzeneko harremanak erraztuko ditu, balio-proposamenak kontrastatzeko, soluzioak balidatzeko eta merkaturatze-prozesua bizkortzeko.

Ekimenik oparoenek, gainera, sei hilabeteko doako inkubazioa baliatu ahal izango dute, sendotzeko eta hazteko dituzten beharretara egokitutako laguntzarekin.

Espero den inpaktua

INKUBA SAREA 2k mugaz gaindiko nekazaritzako elikagaien ekintzailetza-ekosistema sendotzen lagundu nahi du, Akitania Berriko, Euskadiko eta Nafarroako startupen, enpresen, zentro teknologikoen eta erakundeen arteko lankidetza sustatuz.

Enpresekiko harremanari esker, startupek beren soluzioak benetako inguruneetan balidatu, lankidetzarako eta baterako sorkuntzarako aukerak identifikatu eta inguruko merkatuetara iristeko aukerak hobetu ahal izango dituzte. Aldi berean, AGOUR, AZTI eta CEINen gaitasun osagarriek laguntza integrala eskaintzea ahalbidetuko dute, balidazio teknologikotik eta prototipatzetik hasi eta inkubaziora, azeleraziora eta enpresa-garapenera arte.

Horrela, proiektuak hiru lurraldeen arteko lankidetza indartu eta Euroeskualdeko nekazaritzako elikagaien ekosistemaren lehiakortasuna eta jasangarritasuna hobetu nahi ditu.

Web orria

https://www.euroregion-naen.eu/es/

Parte hartzaileak

AGOUR (koordinatzailea), AZTI, CEIN (Nafarroako Enpresen eta Berrikuntzaren Europako Zentroa)

Finantzaketa