Xpectra – Elikagaien kalitate-kontrola, kostuak murrizteko eta ekoizpenari balio handiagoa ateratzeko

Zer da?

Xpectra elikagai-industriako kalitate-kontrola digitalizatzeko irtenbide integrala da, infragorri hurbileko espektroskopia (NIR), adimen artifiziala eta ezagutza zientifiko aplikatua uztartzen dituena.

Teknologia horri esker, produktu baten ezaugarriei buruzko informazioa lor daiteke, infragorri-argiarekin duen elkarrekintzaren bidez. Xpectrak informazio hori emaitza bisual eta trazagarri bihurtzen du, ekoizpena nola kudeatu eta sailkatu erabakitzen laguntzeko, ekoizpen-instalazioetako langileek ezagutza tekniko aurreraturik izan beharrik gabe.

AI Talentumek plataforma teknologikoa, softwarea, NIR ekipo komertzialekiko integrazioa eta laguntza teknikoa eskaintzen ditu. AZTIk, berriz, espektro-analisian duen esperientzia baliatzen du, baita erreferentziazko metodoekin alderatuta ereduak garatzeko, kalibratzeko eta baliozkotzeko duen ezagutza ere. Eredu horiek benetako ekoizpen-baldintzetara egokitzen ditu.

Lehen aplikazioa arrain-olioaren kalitatea kontrolatzeko garatu da. Egindako proba pilotuan, Xpectraren erabilerak fakturazioa % 12,5eraino handitzeko aukera erakutsi zuen, ohiko analisietan soilik oinarritutako ikuspegiekin alderatuta. Hobekuntza hori ekoizpena hobeto sailkatzeari eta kudeatzeari esker lortu zen. Emaitza hori proba pilotuko aplikazioari eta baldintzei dagokie.

Irtenbidea beste produktu eta prozesu batzuetara ere egokitu daiteke, berariazko ereduak garatuz eta baliozkotuz.

Ebazten duen arazoa

• Emaitzak lortzeko itxaronaldia murrizten du, eta ekoizpenari eta produktuen sailkapenari buruzko erabakiak hartzea errazten du.
• Kanpoko analisiekiko mendekotasuna gutxitzen du, kontrol jakin batzuk zuzenean ekoizpen-instalazioetan egiteko aukera ematen baitu, eta horiei lotutako denbora eta kostuak murrizten baititu.
• Desbideratzeak goiz detektatzen laguntzen du, ekoizpen-prozesuan azkarrago esku hartu ahal izateko.
• Lote bakoitzaren balioa hobeto aprobetxatzen laguntzen du, kalitateari buruzko informazioa emanez, produktua egoki sailkatu eta kudeatzeko.
• Kalitate-kontrolaren irismena zabaltzen du, laborategiko unean uneko laginketarekin alderatuta, eta kontrolak maizago egiteko aukera ematen du, laginak suntsitu gabe.
• NIR analisia langile ez-espezializatuen eskura jartzen du, emaitzak kontsultatzea eta interpretatzea errazten duen plataforma baten bidez.

Nola funtzionatzen du?

Xpectrak sistemaren abiaraztea eta eguneroko erabilera uztartzen ditu:

• NIR ekipo komertzial egokiena hautatzen du, produktuaren, prozesuaren eta kontrolatu beharreko parametroen arabera.
• Aplikazio bakoitzera egokitutako ereduak garatzen ditu, laginen informazio espektrala erreferentziazko analisien emaitzekin erlazionatuz.
• Ereduak kalibratu eta baliozkotzen ditu, aurreikusitako ekoizpen-baldintzetan behar bezala funtzionatzen dutela egiaztatzeko.
• Produktuaren hatz-marka espektrala jasotzen du NIR ekipoaren bidez, lagina suntsitu gabe.
• Datuak hodeiko ereduen bidez prozesatzen ditu, sistema baliozkotu den kalitate-parametroei buruzko informazioa lortzeko.
• Emaitza bisual eta trazagarriak eskaintzen ditu, desbideratzeak detektatzeko, prozesuaren jarraipena egiteko eta ekoizpenari buruzko erabakiak hartzeko.

Onura nagusiak

• Denbora eta kostu txikiagoak kontrol jakin batzuetan, laborategiko analisi motelagoak ordeztuz edo osatuz.Erabakiak azkarrago hartzeko aukera ekoizpen-instalazioetan, ekoizpen-prozesuan bertan eskuragarri dagoen kalitate-
• nformazioari esker.
• Produktuen sailkapen eta kudeaketa hobea, haien kalitate-ezaugarrien arabera balioa hobeto aprobetxatzeko.
• Irtenbide integrala, ekipoen hautaketa, softwarea, kalibrazioa, abiaraztea eta laguntza teknikoa biltzen dituena.
• Produktu eta prozesu bakoitzerako berariazko ereduak, oinarri zientifikoarekin garatuak eta baliozkotuak.
• Analisi ez-suntsitzaileak, neurketa egin ondoren lagina kontserbatzeko aukera ematen dutenak.
• Ekoizpen-instalazioetako langileentzat erabilerraza, emaitza argi eta erraz kontsultatzeko modukoekin.
• Analisien trazagarritasun handiagoa, prozesuaren kontrola eta eraginkortasuna hobetzeko informazio baliagarria sortuz.