Klima-aldaketaren eta beste ingurumen-presioen inpaktuak aurreikusten ditugu, ingurune itsastar eta kostaldekoa babesteko.
Zientzia, datuak eta tresnak uztartzen ditugu, itsasoaren mende dauden ekosistemen, azpiegituren eta sektore ekonomikoen erresilientzia indartzeko.
Uretan dauden kutsatzaile kimikoak, mikrobiologikoak eta emergenteak aztertzen ditugu (itsasokoak, kostaldekoak zein kontinentalak). Haien jatorria, portaera eta ondorioak aztertzen ditugu ingurumenaren eta giza osasunaren gainean, kudeaketa eraginkorragoa eta arriskuen murrizketa ahalbidetuz.
Klima-aldaketak eta muturreko gertaerek ozeanoan, kostaldeetan eta lotutako jardueretan duten eragina ebaluatzen dugu. Inpaktuak aurreikusteko, egokitzapen-neurriak planifikatzeko eta azpiegiturak zein komunitate ahulak babesteko ereduak eta agertokiak garatzen ditugu.
Ekosistema degradatuen berreskurapena eta produktu zein prozesuen ingurumen-hobekuntza bultzatzen ditugu. Lehengoratzea, eko-diseinua eta ekonomia zirkularra lantzen ditugu, modelizazio-tresnen, adierazleen eta alerta-sistemen babesarekin, erabaki informatuagoak hartzeko.