Elikagai berritzaile, osasungarri eta jasangarriak sortzeko irtenbideak garatu eta transferitzen ditugu, formulazio aurreratua eta prozesatze-teknologiak integratuz. Industriari laguntzen diogu produktu berrien diseinuan, osagai alternatiboen integrazioan eta prozesu eraginkorren aplikazioan, kontsumo-joerei eta sektorearen jasangarritasun, osasun eta lehiakortasun erronkei erantzunez.
Kontsumo-profil zehatzetara egokitutako elikagaien garapena bultzatzen dugu (adinekoak, haurrak eta behar bereziak dituztenak), eta joera berriekin bat datozen formatuak sustatzen ditugu: snacking osasungarria, finger foods, clean label, kontsumitzeko prest dauden produktuak eta alergenorik gabeko formulazioak. Berbalioztatutako osagaiak eta proteina alternatiboak txertatzen ditugu, kalitate nutrizionala eta merkatuan bereizketa bermatuz.
Prozesatzeko teknologia aurreratuak aplikatzen ditugu, hala nola presio hidrostatiko altuak (HHP), laserra, hedapen-teknologiak edo koestrusioa, propietate sentsorialak eta osasungarriak nahiz bizitza erabilgarria hobetzeko, testura berriak sortzeko edo prozesuen eraginkortasuna handitzeko. Ekipoak, prozesuak eta irtenbideak ingurune pilotuetan baliozkotzen ditugu, transferentzia industriala errazteko.
Elikagai eta Teknologia Berrietan, merkatuaren benetako beharretara egokitutako elikagai-produktu berritzaileak eta osasungarriak garatzea bultzatzen dugu. Zientzia, teknologia eta kontsumitzailearen ezagutza uztartzen ditugu, osagai berriak, prozesatze-teknika aurreratuak, prozesuen estandarizazioa eta digitalizazioa, baita diseinu funtzionalak ere integratzen dituzten elikagaiak sortzeko. Gure helburua industriari laguntzea da irtenbide bereizgarri, seguru eta jasangarriak formulatzen, arriskuak murriztuz eta bizimodu berriekin konektatzen duten produktuen merkaturatzea azkartuz.
Kontaktatu
