Ikerketa-azpilerroa

Akuikultura

Akuikultura itsas produktuen hornidura jasangarria bermatzeko eta ur-jatorriko proteinen mundu-mailako eskari gero eta handiagoari erantzuteko zutabe estrategiko gisa sendotzen ari da. Sektoreak hainbat erronkari egin behar die aurre, ingurumenaren jasangarritasunarekin, ekoizpenaren optimizazioarekin, baliabideen kudeaketa eraginkorrarekin eta elikagaien segurtasunarekin lotuta.

AZTIn, enpresekin, administrazioekin eta zentro teknologikoekin lankidetzan lan egiten dugu, akuikultura iraunkor, lehiakor eta berritzailea bultzatuko duten irtenbideak garatzeko, aplikatutako zientzia, digitalizazioa eta ekonomia zirkularra uztartuz.

Irtenbideak

Zerbitzu zientifiko eta teknologikoak eskaintzen ditugu, ekoizpen-sistemak hobetzeko, ingurumen-inpaktua minimizatzeko eta akuikultura-jatorriko elikagaien segurtasuna bermatzeko. Gure irtenbideen artean daude, besteak beste, laborantza-sistemen diseinua eta optimizazioa, ingurumen-ebaluazioa eta azpiproduktuen balorizazioa, eta, aldi berean, produktuen trazabilitatea, kalitatea eta merkatuan duten onarpena.

Ekoizpen-sistemen diseinua, garapena eta optimizazioa

Akuikultura-instalazioen efizientzia eta iraunkortasuna bultzatzen ditugu berrikuntza teknologikoaren eta plangintza integratuaren bidez.

Akuikultura-instalazio eta -eragiketen optimizazioa.
Jarduera ekonomiko berrietarako itsasoaren planifikazio espaziala eta kokapen optimoen hautaketa (VAPEM: Itsasoaren planifikazio espazialerako eta zerbitzu ekosistemikoen ebaluaziorako tresnak).
Akuikultura-ekoizpena eraginkortasunez kudeatzeko irtenbideak.
Akuikultura-produktuen merkaturatzeko eta bereizteko estrategiak (Enviroscore: Europako ingurumen-aztarnan oinarritutako ingurumen-etiketak).
KOSTASystem: itsasertza behatzeko eta kudeatzeko bideometria kostaleko sistema.

Ingurumen-kudeaketa

Akuikultura-jardueren ingurumen-inpaktua ebaluatzeko, murrizteko eta konpentsatzeko tresnak eta metodologiak garatzen ditugu.

Ingurumen-inpaktuaren Ebaluazioa (IIE) eta GAMC-ri lotutako tresnak.
AMBI: ingurunearen egoera ekologikoa ebaluatzeko itsas indize biotikoa.
AQUAPEF Tool: akuikultura-produktuen ingurumen-ebaluzioa PEF metodologiaren arabera.
Envirodigital: akuikultura- eta elikadura-industrietako ingurumen-aztarna ebaluatu eta murrizteko softwarea.
Akuikultura prozesuetan sortutako azpiproduktuen balorizazioa eta ekonomia zirkularreko jardueren sustapena.
Isuriak tratatzeko eta lantzeko sistemak hobetzea, ingurumen-aztarna murrizteko.

Elikagaien segurtasuna

Sektoreari laguntzen diogu kontrol- eta kalitate-sistemak ezartzen, akuikultura-produktuen kaltegabetasuna eta trazabilitatea bermatzeko.

Akuikulturan kalitatea eta elikagaien segurtasuna bermatzeko sistemak.
Fagoen aplikazioa, ekoizpenean nahi ez diren patogenoak eta bakterioak biokontrolatzeko.

Gure zerbitzuak

Akuikultura eraginkorragoa eta jasangarriagoa lortzeko soluzio zientifiko eta teknologikoak, hazkuntza-sistemen optimizazioan, ingurumen-kudeaketan eta ekoizpen-prozesuen digitalizazioan oinarrituak.

Ikusi zerbitzuak

Gure produktuak

AZTIk garatutako tresna eta aplikazioak, akuikulturako instalazioen errendimendua hobetzeko, haien ingurumen-inpaktua ebaluatzeko eta denbora errealeko erabakiak hartzen laguntzeko.

Ikusi produktuak

Itsas behaketako ikerketarako azpiegitura

Kostaldea Behatzeko azpiegitura eta ekipamendu zientifiko-teknologikoa (EuskOOS-RI)

Gehiago irakurri

Itsas Sistema Autonomoak (MAS)

Pasaia Ocean Autonomy-tik (POA), AZTIk tripulaziorik gabeko ibilgailuen flota bat erailtzen du –gliderrak, Itsasdrone eta Ranger–, iristen zailak diren eremuak urrunetik esploratzeko eta ingurumena monitorizatzeko diseinatuak. Sistema horiek ur azalean zein ur zutabean, kostalde zein ozeano inguruneetan, efizientzia eta autonomia handiz lan egiteko aukera ematen dute, eta itsas behaketarako gaitasuna handitzen dute.

Gehiago irakurri

Itsasontzi eta ontzi ozeanografikoak

AZTIk flota propioa eta kolaboratiboa du, ikerketa ozeanografikoa eta arrantza babesten dituena, bere baliabideak enpresa espezializatuen eta erakunde publikoen laguntzarekin konbinatuz. Gaitasun horrek itsaso zabalean zein kostaldean kanpaina zientifikoak teknika eta segurtasun maila handiz egitea bermatzen du.

Gehiago irakurri

Portuko azpiegitura

AZTIk Pasaiako (Gipuzkoa) Portuko Herrerako kaian duen azpiegiturak itsasoari buruzko ikerketa lanetarako behar den laguntza teknikoa eskaintzen du.

Gehiago irakurri

Itsas eta arrantza biologiako laborategiak

Itsas organismoen azterketan espezializatutako laborategiak, fitoplanktonetik eta zooplanktonetik hasita, arrantza intereseko espezieetaraino.

Gehiago irakurri

Bioteknologia eta biologia molekularreko laborategiak

Analisi genetikoa, mikroorganismoen identifikazioa, osagai funtzionalen garapena eta azterketa biomolekularrak.

Gehiago irakurri

Akuikultura

Irtenbideak

Ekoizpen-sistemen diseinua, garapena eta optimizazioa

Ingurumen-kudeaketa

Elikagaien segurtasuna

Gure zerbitzuak

Gure produktuak

Itsas behaketako ikerketarako azpiegitura

Itsas Sistema Autonomoak (MAS)

Itsasontzi eta ontzi ozeanografikoak

Portuko azpiegitura

Itsas eta arrantza biologiako laborategiak

Bioteknologia eta biologia molekularreko laborategiak

Batzorde zientifikoak

AER. Economic Committee for Fisheries

ETP. Asociación para la Transición Energética en la Pesca y Acuicultura de la UE

Euskal Akuikulturaren Estrategia Plana, 2030

FSBI. Society for Fish Biology and Fisheries

FVON. Fishing vessel ocean observing network

IATTC. Inter-American Tropical Tuna Commission

ICCAT. International Commission for the Conservation of Atlantic Tuna

ICES. International Council for the Exploration of the Sea

IOTC. Indian Ocean Tuna Commission

SIBIC. Sociedad Ibérica de Ictiología

STECF. Scientific, Technical and Economic Committee for Fisheries

Erlazionatutako aplikazio-sektoreak