Aurrerapenak europar aingiraren kontserbazioan

Erronka

Europar aingiraren (Anguilla anguilla) ugaritasuna nabarmen jaitsi da azken 50 urteetan, eta gaur egun segurtasun biologikoko mugen azpitik dago. Gainera, IUCNk egoera larrian (desagertzeko arrisku kritikoan) sailkatuta dauka.

EBren Berreskuratze Plana (2007) indarrean jarri arren, populazioak ez du berreskuratzerik lortu.

Datuen eskasiak eta ebaluazio-metodoen heterogeneotasunak, stock bakarra izan arren kudeaketa zatikatuak, eta eragileen zein kudeaketa-mailen arteko elkarrizketa eta estrategia bateratuen faltak nabarmen zailtzen dute plana ezartzea eta espeziearen berreskuratzea.

Erronka nagusia kudeaketa- eta ebaluazio-tresna komun, eskuragarri eta partekatu bat sortzea zen, aingiraren eta haren habitataren egoerari buruzko ikuspegi orokorra eskainiko zuena, kudeatzaileek stockaren adierazleak eta kudeaketa-eszenatoki posibleak aztertu ahal izateko.

Irtenbidea

AZTIk koordinatuta, SUDOANG europar proiektuaren (Interreg Sudoe) barruan, VISUANG garatu zen: online plataforma interaktibo bat, Espainian, Frantzian eta Portugalen aingira-populazioari eta ibai-ekosistemei buruzko adierazle zientifikoak bistaratzea ahalbidetzen duena.

23.000 puntutan egindako 49.000 laginketa eta 100.000 migrazio-oztopori buruzko datuak bildu ziren, erreklutamenduaren, ihesaren, hilkortasunaren, ustiapenaren eta migraziorako oztopoen estimazioak integratuz.

VISUANGek interfaze intuitibo bat eskaintzen du, kudeatzaileek erabaki azkarrak eta ebidentzia zientifikoan oinarrituak hartu ahal izateko.

Emaitzak

• Aingiraren eta haren habitaten egoerari buruzko datu-base transnazional baten sorrera.

• Kontserbazio- eta ibai-berreskurapenerako neurriak lehenesten dituen tresna bisual eta eskuragarria.

• Espeziearen egoera-adierazleen estimazioa hiru herrialdetan metodologia komun, ireki eta errepikagarri baten bidez, Europako beste eskualde batzuetara hedatzea errazten duena.