Itsasaldi taulak 2026

Aurten ere, Bilbo eta Pasaiako itsasaldi taulak ekartzen dizkizugu, kostaldeko jarduerak planifikatu ahal izateko. Gainera, urtero bezala, espazio hau publikoarentzat interesgarriak izan daitezkeen gaiei buruzko dibulgazioa egiteko aprobetxatzen dugu. Oraingo honetan, Pasaia Ocean Autonomy (POA)-ko ontzidiari buruz arituko gara: azpiegitura aitzindaria da Espainian itsasoko ibilgailu autonomoak hedatzeko eta jarduteko.

 
DESKARGATU BILBOKO 2026EKO ITSASALDI TAULAK

 
DESKARGATU PASAIAKO 2026EKO ITSASALDI TAULAK

 
Azpiegitura honek ozeanoaren behaketa ohikoagoak eta iraunkorragoak egiteko aukera ematen du, funtsezkoa baita ozeanoaren dinamika ulertzeko eta arrantza-kudeaketa, itsasoko espazio-plangintza, itsas segurtasuna edo klima-aldaketara egokitzea hobetzeko. Horretarako ibilgailu sorta bat osatu dugu misio mota ezberdinetara egokitu ahal izateko:

• GLIDERak: itsaspeko planeagailu elektrikoak, tenperatura, gazitasuna, oxigenoa, klorofila, nutrienteak eta arrainen 1.000 m-ko sakonerako ugaritasun akustikoa bezalako parametroak biltzen dituztenak, eta datuak denbora errealean transmititzen dituztenak
• ITSASDRONE: eguzki-azalerako ibilgailua, zero isurketa arrain-ugaritasun akustikoa neurtzeko, batimetriak egiteko eta sakonera txikian edo itsas zabalean laguntza-ontzi batetik laginketa zientifikoak egiteko
• RANGER 6.0 (USV): sentsoreak kargatzeko ahalmen handiko ibilgailua, misio zientifikoetara bideratua.