Kostaldeko klima-arriskuen aurreikuspen goiztiarrerako sistemak

Ebazten duen arazoa

Kostaldeko eta portuetako azpiegiturak gero eta kalteberagoak dira muturreko klima-gertakarien aurrean. Alerta goiztiarreko sistema operatibo eta tokiko testuingurura egokiturik ezean, erantzuteko gaitasuna mugatua da, eta kalteak, galera ekonomikoak eta segurtasun-arriskuak areagotzen dira.

Zer egiten dugu eta nola egiten dugu

AZTIn kostaldeko ingurune bakoitzaren baldintza espezifikoetara egokitutako iragarpen eta alerta goiztiarreko sistema integratuak garatzen ditugu:

• Eredu numerikoak olatuetarako, portuetako agitaziorako, gainjarioetarako eta gerta daitezkeen uholdeetarako.
• Alerta goiztiarreko sistemak, orduz orduko aurreikuspenarekin eta definitutako atalaseen araberako abisu espezifikoekin.
• Denbora errealeko monitorizazio-sareak, boiak, kostaldeko estazioak, sentsoreak eta sateliteak erabiliz.
• Web eta mugikorreko plataformak, arrisku-mailak kontsultatzeko eta protokolo operatiboak aktibatzeko.
• Azpiegituren kalteberatasunaren ebaluazioa eta neurri egokitzaileen definizioa.

Portu-agintariekin, ingeniaritzekin, udalerriekin eta larrialdi-zerbitzuekin elkarlanean aritzen gara, soluzioek ingurune bakoitzaren baldintza errealetara erantzun dezaten.

Onura nagusiak

• Kalte materialak, jardueraren etenaldiak eta kostu operatiboak murriztea.
• Segurtasun handiagoa portu-, hiri- eta ekoizpen-eragiketetan.
• Kokapen bakoitzera egokitutako tresnak, balioztatuak eta erabilera operatiborako prest.
• Muturreko klima-gertakarien aurrean denbora errealean jarduteko gaitasuna.
• Kostaldeko erresilientziari eta klima-aldaketara egokitzeari buruzko Europako politikekin lerrokatzea.