AZTIk degradatutako itsas ekosistemak berreskuratzeko plan ekologikoak diseinatu eta gauzatzen ditu, bereziki itsas fanerogamen belardiak. Habitat-kartografian, egokitasun-ereduetan eta epe ertain-luzeko jarraipenean oinarritzen gara, eta teknika aktiboak erabiltzen ditugu, hala nola landareen transplanteak eta hazien ereintza. Esku-hartze horien helburua biodibertsitatea berreskuratzea, kostaldeko erresilientzia indartzea eta karbono urdinaren ekosistemek ematen dituzten zerbitzu ekosistemikoak lehengoratzea da.
Itsas ekosistema askok —fanerogamen belardiek, marearteko eremuek eta estuarioek, besteak beste— funtzionaltasuna galdu dute kutsaduraren, alterazio fisikoen, klima-aldaketaren, dragatzeen edo konektibitate-galeraren ondorioz. Horrek biodibertsitateari ez ezik, funtsezko zerbitzu ekosistemikoei ere eragiten die: kostaldearen babesa, karbono-harrapaketa, espezie askoren fase gazteentzako habitata, etab. Kasu askotan, lehengoratze aktiboa beharrezkoa da, neurri pasiboek ez dutelako berreskurapena bermatzen.
Sektoreak: Arrantza eta akuikulturako sektorea, Offshore sektorea
Ikerketa lerroak: Ekonomia urdina, Ingurumen-erresilientzia eta aldaketa globala, Itsaso eta kostaldeko ingurumen-kudeaketa
Ikerketa-azpilerroak: Itsas espezie eta habitatak kontserbatzea eta leheneratzea