Espezie exotiko inbaditzaileen kontrola

Ebazten duen arazoa

Espezie exotiko inbaditzaileak mehatxu nagusietako bat dira itsas ekosistemen biodibertsitatearentzat eta funtzionamendu egokiarentzat. Espezie autoktonoak ordezkatu ditzakete, habitatak aldatu eta kostu ekonomiko handiak eragin, besteak beste akuikulturaren, arrantzaren edo itsas garraioaren sektoreetan. Kontrol- eta detekzio goiztiarrerako planen gabeziak zaildu egiten du kudeaketa- eta prebentzio-neurri eraginkorrak aplikatzea.

Zer egiten dugu eta nola egiten dugu

• Kostaldeko uretan, portuetan eta ekosistema kalteberetan egindako landa-lanak, espezie exotiko berriak, finkatuak edo hedapenean daudenak identifikatzeko.
• Ingurumeneko ADNaren analisia, espezieak ugaritasun txikietan daudenean ere hautematea ahalbidetzen duena.
• Banaketaren kartografia eta jarraipena, hedapen-fokuak eta bektoreak identifikatzeko.
• Espezie inbaditzaile bakoitzari lotutako arrisku ekologikoen eta sozioekonomikoen ebaluazioa.
• Administrazioei eta sektoreei (arrantza, portuak, akuikultura) zuzendutako aholkularitza teknikoa, prebentzio-, kontrol- eta, ahal denean, desagerrarazte-planak diseinatzeko.

Onura nagusiak

• Detekzio goiztiarra, espezieak modu itzulezinean finkatu aurretik jarduteko aukera ematen duena.
• Espezie autoktonoen eta habitat sentikorren gaineko inpaktu ekologikoa murriztea.
• Biodibertsitateari buruzko Europako eta estatuko araudia betetzen laguntzea.
• Kudeatzaile eta administrazioentzat erabakiak hartzeko tresna praktikoak.
• AZTIren babes zientifikoa, itsas eta kostaldeko ekosistemetan espezie inbaditzaileen zaintza- eta kontrol-proiektuetan duen esperientzian oinarritua.