Big dataren aplikazioa arrantza-iragarpen eta -kudeaketarako

Ebazten duen arazoa

Sektoreak eta zientziak datu-bolumen handiak sortzen dituzten arren (harrapaketak, esfortzua, aldagai ozeanografikoak, satelitalak), askotan ez dira modu eraginkorrean ustiatzen. Horrek mugatu egiten du gertaerei aurrea hartzeko gaitasuna, kudeaketa-neurrien eraginkortasuna murrizten du eta flotarentzako ziurgabetasuna handitzen du.

Zer egiten dugu eta nola egiten dugu

• Machine learningeko algoritmoak eta nitxo ekologikoko ereduak aplikatzen ditugu, harrapaketen erregistro historikoak, informazio genetikoa, datu ozeanografikoak (tenperatura, klorofila, korronteak) eta arrantza-jarduera uztartuz.
• Horren bidez, biomasa-iragarpenak eta espezie komertzialen presentzia-probabilitatearen mapak sortzen ditugu.
• Emaitzak plataforma digitalen, txosten teknikoen eta flotari zein administrazioari zuzendutako tresna praktikoen bidez eskaintzen dira.

Onura nagusiak

• Iragarpen zehatzagoak, kudeaketan dagoen ziurgabetasuna murrizteko.
• Arrantza-kanpainak hobeto planifikatzeko aukera ematen duten tresnak.
• Eskuragarri dagoen informazioaren erabilera optimoa, sakabanatutako datuak ezagutza praktiko bihurtuz.
• Arrantza-sektorearentzat lehiakortasun eta jasangarritasun handiagoa.