Artusau-arrantza: laguntza tekniko eta zientifikoa

Ebazten duen arazoa

Artisau-arrantzak hainbat erronkari aurre egin behar die: errentagarritasun txikia, kudeaketa-politiketan ikusgarritasun eskasa eta belaunaldi-erreleboaren zailtasunak. Gainera, askotan ez du bere kudeaketa babesteko behar adinako tresna teknologikorik eta datu espezifikorik.

Arrantza mota honek balio ekonomiko eta soziokultural handia du, elikagai-iturri izateaz harago: balio kultural eta espiritualak ordezkatzen ditu, eta bizimodu tradizional gisa ulertzen da. Hala ere, gutxitan daude ontzi horiei lotutako ondare kulturala dokumentatzen duten datuak.

Bestalde, itsas ingurumenaren gaineko presioa ez da soilik ontzi handiei egotzi behar: kostaldeko eta itsasoko jarduera orok sortzen ditu inpaktuak, eta artisau-arrantza ez da salbuespena. Ikuspegi globaletik, arrantza mota honek ere klima-aldaketan laguntzen du, bere karbono-aztarnaren bidez.

Hala ere, erronka handienetako bat arrantza-ahaleginaren denbora errealeko monitorizazioa da.

Zer egiten dugu eta nola egiten dugu

• Kofradiekin, elkarteekin eta administrazioekin lan egiten dugu, artisau-arrantzaren errealitatera egokitutako ebaluazio-metodologiak diseinatzeko.
• Adierazle sozioekonomikoak aplikatzen ditugu (hala nola Moses Indizea), arrantza-ahaleginari eta deskargei buruzko datuak biltzen ditugu, eta tresna digital eta interaktiboak garatzen ditugu eskala txikiko plangintza eta kudeaketa hobetzeko.
• Tresna horiek aukera ematen dute ondare kulturala ebaluatzeko, inpaktu lokalak eta globalak (adib. karbono-aztarna) aztertzeko, eta datu-bilketa automatizatzeko ontzian instalatutako gailuen bidez (gaur egun borondatezkoa).
• Halaber, jardunbide egokien ziurtapenerako aholkularitza eskaintzen dugu, eta jasangarritasun-irizpideak txertatzen laguntzen dugu, produktuen merkatu-balioa handitzeko.

Onura nagusiak

• Jasangarritasunaren indartzea: hazkunde urdina (errentagarritasuna) eta ingurumen-jasangarritasuna bultzatuz.
• Ikusgarritasun handiagoa erabakiak hartzean, ezagutza zientifiko hobean oinarrituta.
• Azpisektorearen kudeaketa hobetzeko tresna praktiko eta eskuragarriak, jasangarritasuna bere dimentsio guztietan bermatzeko.
• Artisau-arrantzari lotutako kostaldeko komunitateen ondare kulturala eta soziala kontserbatzea.

* Definizioa : Zer da arrantza artisaua?Nahiz eta erabat gauza bera ez izan, eskala txikiko arrantza edo SSF (ingelesezko siglak) ere deitzen zaio. Europar Batasunean, 12 metrotik beherako eta arraste-arteak erabiltzen ez dituzten ontziak hartzen dira SSFtzat (arte finkoak erabiltzen dituzte). AZTIn, ordea, irismena zabaldu eta 18 metrora arteko ontziekin ere lan egiten dugu.