Arrantza-jardueraren kudeaketa eraginkorrerako datuak biltzeko sistemak

Ebazten duen arazoa

Arrantza modernoak informazio kopuru handia sortzen du (harrapaketak, kontsumoak, ingurumen-parametroak), baina datu horiek ez dira beti modu sistematikoan erregistratzen edo behar bezala aprobetxatzen. Informazio egituratuaren faltak zaildu egiten du eszenatokiak aurreikustea, baliabideak optimizatzea eta arau-eskakizunak betetzea..

Zer egiten dugu eta nola egiten dugu

• Datu-bilketa automatizatzeko sistemak diseinatzen ditugu, harrapaketen, kontsumoen eta ingurumen-parametroen informazioa jasotzeko.
• Adimen artifizialean oinarritutako eredu prediktiboak garatzen ditugu, eszenatokiak aurreikusi eta erabakiak hartzea errazteko.
• Datu historikoak eta denbora errealekoak integratzen ditugu, kudeaketa-ereduen zehaztasuna hobetzeko.
• Sektoreari prestakuntza eta laguntza teknikoa eskaintzen diogu, tresnen erabilera eraginkorra bermatzeko.
• Informazioa plataforma zientifiko eta kudeaketakoekin konektatzen dugu, balio operatiboa zein estrategikoa izan dezan.

Onura nagusiak

• Mareen plangintzan eta harrapaketen kudeaketan hobekuntza.
• Kostuen eta emisioen murrizketa, datuetan oinarritutako erabakien bidez.
• Arau-eskakizunak betetzea, informazio egiaztagarriaren bidez.
• Arrantza digitalerantz eta ekonomia urdinerantz aurrera egiteko oinarri sendoa.
• Gardentasuna eta konfiantza indartzea flotaren, administrazioen eta merkatuen artean.