Memoria: Fagoak, elikadura katean segurtasun mikrobiologikoa hobetzeko soluzio naturala

Zer da?

“Fagoak, elikadura katean segurtasun mikrobiologikoa hobetzeko soluzio naturala” txostena teknologia emergente honen inguruko ezagutza, aurrerapen zientifikoak eta aplikazio nagusiak biltzen dituen argitalpena da, agroelikaduraren esparruan.

Zer ekarpen egiten du memoria honek?

Fagoak (edo bakteriofagoak) bakteria espezifikoak infektatzeko gai diren birus naturalak dira, eta gero eta protagonismo handiagoa hartzen ari dira sektoreko erronka nagusiei aurre egiteko irtenbide eraginkor gisa; besteak beste, elikagaien segurtasuna hobetzea, antibiotikoen erabilera murriztea eta erresistentzia antimikrobianoen aurkako borroka. Testuinguru horretan, txostenak haien potentzialaren ikuspegi integrala eskaintzen du, eta agroelikadura-kate osoan duten aplikazioa aztertzen du: lehen mailako ekoizpenetik (nekazaritza, abeltzaintza eta akuikultura) hasi, eta elikagaien prozesaketa, kontserbazioa eta ontziratzeraino.

Eduki nabarmenduak

• Zer diren fagoak eta nola jarduten duten
• Agroelikadura-katean duten erabileraren abantailak
• Fagoen aplikazioak industrian
• Araudia eta esparru erregulatzailea

Nori zuzenduta dago?

Argitalpen hau bereziki interesgarria izango da agroelikadura-sektoreko enpresentzat (haragi-industria, esnekiak, arrantza, akuikultura, IV. gama, etab.), kalitate eta elikagaien segurtasuneko arduradunentzat, enpresetako I+G+b sailetarako, administrazio publikoentzat eta, oro har, fagoen potentzialari buruz gehiago jakin nahi duen edonorentzat.