Zer da?
AZPilotManager AZTIk garatutako tresna teknologiko bat da, proba pilotuen kudeaketa osoari laguntza emateko: hasierako ideiatik hasi eta emaitzen analisiraino. Industria-inguruneetarako pentsatua dago, non ezinbestekoa den talde eta arlo desberdinen arteko koordinazioa, eta non saiakuntzaren fase bakoitzaren trazabilitatea funtsezkoa den lortutako datuen kalitatea eta fidagarritasuna bermatzeko.
Zer arazo konpontzen du?
- Edozein instalazio pilotutan osagaien eta produktuen %100eko trazabilitatea bermatzen du.
- Stocken kudeaketa hobetzen du, osagai edo produktu bakoitzaren eskuragarri dauden kantitateei buruzko informazio zehatza emanez.
- Biltegiratutako osagai eta produktuen kokapen zehatza erraz identifikatzea ahalbidetzen du.
- Software garesti eta konplexuak ezartzeko alternatiba bat eskaintzen du.
- Produktu berriak merkatura eramateko prozesua azkartzen du.
Nola funtzionatzen du?
AZPilotManager-ek aukera hauek eskaintzen ditu:
- Proba pilotuak planifikatu eta programatu, helburuak, faseak eta arduradunak zehaztuz.
- Zereginak eta baliabideak esleitu, langileen eta ekipamenduaren erabilgarritasuna optimizatuz.
- Datuak eta behaketak denbora errealean erregistratu, informazioaren bikoizketak eta galerak saihestuz.
- Proba bakoitzaren egoeraren jarraipena egin, gorabeherak eta hobekuntza-aukerak identifikatuz.
- Txosten egituratuak sortu, emaitzen analisia eta etorkizuneko iterazio edo eskalatzeetarako erabaki-hartzea erraztuz.
Onura nagusiak
- Software sendoa, malgua, intuitiboa eta erabiltzeko erraza da.
- Enpresetan instalazio pilotuen eta b+G proben kudeaketa arintzeko bereziki diseinatua: osagaiak, prozesamendua, trazabilitatea eta biltegietako materialen eta produktuen kokapena eguneratuta mantenduz.
- Informazioaren konfidentzialtasuna eta segurtasuna bermatzen ditu: enpresaren zerbitzarietan bertan funtzionatzen du eta baimendutako langileek bakarrik dute sarbidea.
- Enpresa bakoitzaren beharretara egokitzen den soluzio eraginkorra da.
- Erabilitako osagaien arabera, produktuetan alergenoen identifikazio automatikoa eskaintzen du.
- Zure b+G probetako eta instalazio pilotuko informazio guztia aplikazio bakarrean zentralizatzen du, sarbidea eta kudeaketa erraztuz.
