AZTIn zientziarekiko, teknologiaren, datuaren eta ingeniaritzaren munduarekiko pasioa duten STEAM profilak bilatzen ditugu, beren ezagutza erronka errealak konpontzeko eta gizartean eragin positiboa sortzeko aplikatu nahi dutenak. Ikasten, elkarlanean aritzen eta itsas, elikadura zein teknologia arloetan aplikazio zuzena duten soluzioak sortzen gozatzen duten profesionalak nahi ditugu.
Jakin-mina, sormena, ekimena eta talde-lanerako gaitasuna bereziki baloratzen ditugu; izan ere, gure ustez, berrikuntza talentu partekatutik eta harago joateko etengabeko gogo horretatik sortzen da.
AZTIn itsas, elikadura eta teknologia arloetako punta-puntako proiektuetan lan egingo duzu, gizartean eta industrian benetako eragina duten soluzioak garatuz.
Bere arloetan erreferente eta liderrak diren profesionalekin elkarlanean arituko zara, berrikuntza eta jasangarritasuna bultzatzen dituzten Europako eta nazioarteko proiektuetan parte hartuz.
Hori guztia, lana eta bizitza pertsonala uztartzea, ongizatea eta pertsona bakoitzaren garapen profesionala sustatzen dituen lan-eredu malgu baten baitan.
Hasieratik, jarduera esperimentaletan, datuen analisian eta garapen teknologikoetan parte hartuko duzu, adituen laguntza eta gidaritzarekin. Zure ibilbidean aurrera egin ahala, autonomia handiagoa hartzeko aukera izango duzu: jarduera giltzarriak lideratzea, ideiak proposatzea, estrategiak definitzea eta profil gazteagoak mentorizatzea.
Ingurune malgua eskaintzen dizugu, teknologia aurreratura sarbidea eta lidergo-rolerantz hazteko aukerak. Proiektu bakoitza erronka bat izango da, zientzia, berrikuntza eta ezagutzaren transferentzia uztartuz. Jakin-mina, ekimena eta testuinguru dinamiko batean eboluzionatzeko gogoa badituzu, hau da zure tokia.
Ikerketa aplikatuan esperientzia sendoa duen profila, proiektuaren zatiak lideratzeko eta irtenbide berritzaileak proposatzeko gai dena. Proiektu konplexuak diseinatu eta gauzatuko dituzu, taldeak koordinatuko dituzu eta argitalpen zientifikoetan zein transferentzia teknologikoan ekarpena egingo duzu. Sormena, lidergo teknikoa eta emaitzetara bideratutako ikuspegia baloratzen ditugu. Zure eragina zuzena izango da industria eta gizartea eraldatzen dituzten proiektuetan.
Ibilbide luzea eta ikuspegi estrategikoa duten profesionalak, ikerketa-lerroak eta eskala handiko proiektuak gidatzeko arduradunak. Helburu zientifikoak definituko dituzu, finantzaketa bermatuko duzu eta AZTI ordezkatuko duzu Europako eta nazioarteko partzuergoetan. Rol honek pentsamendu estrategikoa, eragina eta bikaintasun zientifikoa eskatzen ditu. Zure eginkizuna: berrikuntza bultzatzea eta AZTI itsas, elikadura eta teknologia ikerketan erreferente global gisa kokatzea.
Gerard Marrugat
Datu Zientzialaria
Ekaitz Erauskin
Laginketa-arduraduna
Nagore Luengo
Elikadura-analista