GJHeekin dugun konpromisoa

Etorkizun jasangarri baten aldeko zientzia

AZTIn egunero lan egiten dugu ikerketak pertsonengan eta planetan benetako eragina izan dezan.

Nazio Batuen Garapen Jasangarrirako Helburuek (GJH) gidatzen dute gure konpromisoa eta gure erabaki guztiak: proiektuak definitzetik hasi eta baliabideak kudeatzeko modura, enpresekin lankidetzan aritzera edo gizartearekin ezagutza partekatzera arte.

Zientzia da mundu bidezkoago, osasungarriago eta jasangarriago bat eraikitzeko dugun tresnarik indartsuena.

Gizateriaren agenda partekatua

17 GJHak gure garaiko erronkei aurre egiteko mundu mailako ibilbide-orria dira: pobrezia, klima-aldaketa, desberdinkeriak, biodibertsitatearen galera edo elikagaien segurtasuna.

AZTIn helburu horiek gure estrategia korporatibo eta zientifikoan txertatzen ditugu, eta bereziki bostetan jartzen dugu arreta, horietan sortzen baitugu eragin handiena.

GJH 2 – Zero gosea
Elikagaien ekoizpen jasangarri eta segurua

Kontsumo-ohitura informatu eta jasangarriak sustatzen ditugu, pertsonei elikaduraren ingurumen-inpaktua murrizten duten erabakiak hartzen lagunduz.
1. Hondakinak murrizten eta nutrizio-balioa hobetzen duten produktu bioteknologikoak eta irtenbideak garatzen ditugu.
2. Elikadura-kate osoan osotasuna eta trazabilitatea bermatzen ditugu.
3. Elikagai-katearen ekoizpenaren eraginkortasuna hobetzen duten tresnak garatzen ditugu.
4. Pertsona guztientzako nutrizio osasungarri eta eskuragarria sustatzen dugu.
GJH 3 – Osasuna eta Ongizatea
Elikadura osasungarria, ongizatea eta bizi-kalitatea

AZTIn argi dugu elikadura funtsezkoa dela bizi-kalitatea hobetzeko eta gaixotasunen prebentziorako. Horregatik, zientziaren bidez osasuna eta ongizatea sustatzen ditugu:
1. Nutrizio pertsonalizatu eta zehatzaren arloko ikerketa.
2. Osasuna hobetzen duten elikagai funtzional berrien garapena.
3. Dietak eta bizimoduek osasun publikoan duten eraginaren ebaluazioa.
GJH 12 – Ekoizpen eta Kontsumo Arduratsuak
Ekonomia zirkularra eta hondakinen murrizketa

AZTIn enpresen ahalmen berritzailea indartzen dugu, gizarte-, ekonomia- eta ingurumen-ikuspegitik jasangarriak diren irtenbideak diseinatuz, gizartea modu arduratsuagoan bizitzera inspiratzeko. Baliabide naturalekiko errespetuzkoagoa den eredu ekonomiko eraginkorragoa bultzatzen dugu:
1. Hondakinak murriztu eta azpiproduktuak balioztatzeko irtenbide zirkularrak diseinatzen ditugu.
2. Jasangarritasun industriala optimizatzen duten tresna digitalak garatzen ditugu.
3. Elikadura-katean energia-eraginkortasuna eta ingurumen-trazabilitatea sustatzen ditugu.
4. Kontsumo-ohitura informatu eta jasangarriak bultzatzen ditugu, elikaduraren ingurumen-inpaktua murrizteko.
GJH 13 – Klimaren aldeko ekintza
Itsas zientziatik egokitzapena eta arintzea

AZTIn klima-aldaketak ozeanoan, kostaldean eta itsas baliabideetan dituen ondorioak ikertzen ditugu, horietara egokitzeko estrategiak definitu eta mitigazio-neurriak ezartzeko, erronka global handi hau aprobetxatzeko aukera bihurtuz.
1. Ozeanografiako modelizazioa eta muturreko fenomenoen aurrean alerta goiztiarreko sistemak.
2. Klima-aldaketak ekosistemetan eta arrantzan duen eraginaren ebaluazioa.
3. Deskarbonizaziorako estrategien eta naturan oinarritutako irtenbideen diseinua.
GJH 14 – Itsaspeko Bizitza
Ozeanoen babesa eta itsas baliabideen kudeaketa jasangarria

AZTIn itsas ekosistemen funtzionamendua aztertzeko, itsasoen eta kostaldeen ingurumen-kudeaketa ebaluatzeko eta itsas bizitzaren kontserbazioa hobetzen duten teknologia berritzaileak garatzeko ekimenak bultzatzen ditugu. Europako erreferentea gara itsas ikerketan eta ozeanoetako ekosistemen kontserbazioan:
1. Itsasoen egoera, biodibertsitatea eta arrantza-ustiapenak ebaluatzen ditugu.
2. Kudeaketa ekosistemikoaren eta arrantza arduratsuaren ereduak sustatzen ditugu.
3. Itsas behaketarako teknologiak eta ozeano-alfabetizazioa garatzen ditugu.