Ostalaritza jasangarrirako ziurtapen-eredua

Erronka

Kontsumitzaileen aldetik negozio-eredu jasangarriagoen eskaria gero eta handiagoa da, baina oraindik zalantzak sortzen dira establezimenduek egiten dituzten jasangarritasunaren inguruko auto-adierazpenen egiazkotasunaz. Gainera, jasangarritasunean eta ziurtagirietan inbertitzeak erronka ekonomiko handia dakar ostalaritza-establezimendu askorentzat, eta langileen rotazio handiak zaildu egiten du praktika jasangarriekin konpromisoa mantentzea.

Euskadiko eta Bizkaiko gastronomia jasangarritasunaren arloan erreferente bihurtzeko helburuarekin, erronka zen sistema fidagarri eta erakargarri bat diseinatzea, jatetxeen jasangarritasun-maila ebaluatu eta ziurtatzeko aukera emango zuena, Garapen Jasangarrirako Helburuekin (GJH) eta sektore gastronomikoaren itxaropenekin lerrokatuta.

Irtenbidea

Sustainable Gastronomy izeneko ziurtapen-sistemaren sorrera, honako osagai hauek barne hartzen dituena:

• Eragiketa- eta ziurtapen-eredua, adostutako irizpideetan oinarritua (hornikuntza jasangarria, hondakinen kudeaketa, baliabideen erabilera eraginkorra, eraikuntza jasangarria, etab.).
• Kategoria-sistema (Oinarrizkoa, Brontzea, Zilarra, Urrea), betetze-mailaren arabera.
• Jardunbide egokien gida eta etengabeko hobekuntzarako tresnak.
• Marka erregistratua eta identitate-liburua, konfiantza eta bereizgarritasuna emateko.
• Jatetxe adierazgarrietan ezartzeko prozesua eta eredua estatu- eta nazioarte-mailan eskalatzeko metodologia.

Emaitzak

• Sustainable Gastronomy markaren sorrera eta erregistroa.
• Identitate-liburuaren eta jardunbide egokien gidaren garapena.
• Ereduaren ezarpen pilotua sei jatetxetan.
• Ziurtapen-sistemaren balidazioa, kategoria-mailak definituta (Oinarrizkoa, Brontzea, Zilarra eta Urrea).
• Jasangarritasun-irizpide nagusien inguruko sektore-adostasuna.
• Komunikazio-plan baten abiaraztea, Bizkaiko gastronomia jasangarria beste lurralde batzuetan erreplikagarria den erreferente gisa kokatzeko.