Mikroalgak bioekonomia zirkularrerako: berrikuntza, jasangarritasuna eta osasuna Euskaditik

Erronka

Mikroalgak alternatiba oso itxaropentsua dira, hondakin-urak bioerremediatzeko, CO₂ harrapatzeko eta elikadurarako, osasunerako eta kosmetikarako balio handiko biokonposatuak sortzeko duten gaitasunagatik.

Hala ere, oraindik lan handia dago egiteko gizartean eta enpresa-ingurunean duten onarpena hobetzeko. Erronka bikoitza da: alde batetik, mikroalgen erabilera berriak garatzea, eta bestetik, Euskadin lankidetzazko ekosistema sendo bat indartzea, zentro teknologikoak, unibertsitateak eta enpresak bilduko dituena.

Irtenbidea

ALGAKIN, NEIKERek gidatutako ekimena eta AZTI kide duena, mikroalgen erabilera prozesu jasangarrietan bultzatzeko helburuarekin sortu da.

AZTIk hainbat arlotan egiten du lan eta lankidetza:

• Prozesu teknologikoak: mikroalgen prozesamendurako eta downstream jardueretarako ekipamendu pilotuaren abian jartzea.
• Ikerketa aplikatua: hidrolizatuak eta bioaktibitate-azterketak (neurobabeslea, antioxidatzailea) EFSAk onartutako mikroalga-andui berrietan.
• Hedapena eta posizionamendua: dibulgazio-jardunaldiak, enpresekin harremanak, kongresuetara joatea eta materialak (webgunea, triptikoak, bideoak) garatzea, Euskadiko algen sektorearen ikusgarritasuna handitzeko.

Emaitzak

• Mikroalgen hazkuntza eta prozesamenduaren optimizazioa, balio nutrizional eta funtzional handiko biomasa eta erauzkinak lortzeko (proteinak, pigmentuak, konposatu bioaktiboak).
• Maila pilotuan prototipoak balioztatzea, bioaktibitate-azterketak (antioxidatzailea eta neurobabeslea) eginez, eta ekoizpen-plantarako oinarriak diseinatzea.
• Negozio-plan baten eta estrategia baten elaborazioa, Euskadin bioekonomia zirkularra bultzatzeko, elikadura, osasuna eta kosmetika bezalako aplikazioekin.