Kostaldeko ekosistemak aztertzeko eta kudeatzeko denbora errealeko datuak biltzen dituzten urpeko ibilgailu autonomoak

Erronka

Kostaldeko ekosistemak modu jarraituan eta bereizmen handiz monitorizatzea gaur egungo erronka zientifiko eta teknologiko handienetako bat da, bereziki Euskal kostaldea bezalako eremu dinamiko eta konplexuetan. Ingurune aldakor batean parametro fisiko eta biogeokimikoei buruzko denbora errealeko datuak lortzeak laginketa tradizionalaren mugak gainditzea eskatzen du.

Erronka horri gehitzen zaio ozeanografia-ikerketaren deskarbonizaziorantz aurrera egiteko beharra, erregai fosilen menpekotasunik ez duten behaketa-teknologiak sustatuz eta jarduera zientifikoen ingurumen-aztarna murriztuz.

Irtenbidea

Pasaia Ocean Autonomy proiektuaren esparruan, AZTIk glider motako urpeko ibilgailu autonomoak eta azaleko ibilgailu autonomoak txertatu ditu itsas ingurunea modu jarraitu eta jasangarrian monitorizatzeko.

Sistema hauek:

• Astez aste jarduteko gai dira, giza esku-hartzerik gabe.

• Eremu zabaletako datuak biltzen dituzte denbora errealean.

• Sentsore multiparametrikoak integratzen dituzte tenperatura, gazitasuna, oxigeno disolbatua, klorofila, uhertasuna edo biomasa neurtzeko.

• Nabigazio-, datu-transmisio- eta mantentze-protokolo aurreratuak barne hartzen dituzte.

Gliderren eta azaleko plataformen konbinazioak aukera ematen du bai itsas hondoaren azpiko eremua bai aire-itsaso interfazea behatzeko, ingurumen-inpaktu minimoa duen ikuspegi batekin.

Emaitzak

• Zazpi glider misio arrakastaz burutu dira, Kantauri itsasoko uretan 3.500 km baino gehiago eginez.

• Bereizmen handiko denbora-serieak lortu dira, funtsezko prozesu ozeanografikoak ulertzeko ezinbestekoak.

• Datu horiek eredu prediktiboak elikatu eta hobetzeko erabili dira, behaketa autonomoaren balio estrategikoa indartuz.

• Karbono gutxiko ozeanografiarantz egindako aurrerapena, praktika zientifiko jasangarriagoak bultzatuz.

• Pasaia Ocean Autonomy Kantauri itsasoko itsas behaketarako azpiegitura estrategiko gisa sendotu da, glider eta ASVen hedapenerako eta berreskurapenerako laguntza logistiko, tekniko eta zientifikoa eskainiz.