KAINDAR: portuen deskarbonizazio eta elektrifikaziorako azpiegitura adimenduna

Erronka

Europar Batasunak eta Espainiak helburu anbiziotsu bat ezarri dute: Estatuko portu guztiak 2030erako elektrifikatzea, itsas garraioaren deskarbonizazioan aurrera egiteko neurri giltzarri gisa. Erronka horrek sare elektriko adimendunak (Smart Grids) hedatzea eskatzen du, noranzko bikoitzean jarduteko gai direnak, ontzien karga ahalbidetzeaz gain, eskari-puntetan sare elektrikora energia injektatzeko aukera emanez. Zailtasuna da energia berriztagarriak integratuko dituzten azpiegiturak garatzea, hornidura egonkorra bermatzea eta portuan erregai fosilen erabilera ahalik eta gehien murriztea.

Irtenbidea

Testuinguru horretan sortu da KAINDAR, Gipuzkoako bost eragilek garatutako proiektu erakuslea, Pasaiako Portuan baldintza errealetan karga elektrikorako azpiegitura mugikor berri bat diseinatu, instalatu eta ebaluatzeko.

Irtenbideak honako hauek uztartzen ditu:

• Energia eolikoa eta eguzki-energia, elikadura-iturri garbi gisa integratuak.
• Baterien bidezko biltegiratze-sistema, horniduraren autonomia eta egonkortasuna bermatzeko.
• Cold Ironing teknologia, konektatutako ontziek motorrak itzali eta emisioak zein zarata nabarmen murrizteko.
• Diseinu garraigarria, sistema beste portu batzuetan erraz erreplikatu eta probatzeko aukera ematen duena.
• Ekonomia zirkularreko ikuspegia, bigarren bizitzako materialak eta osagaiak erabiltzeko aukerak aztertuz (bateriak, berrerabilitako moduluak, etab.).

Emaitzak

• Pasaiako Portuan instalatu eta probatutako energia berriztagarriz elikatutako karga elektrikoko lehen azpiegitura, ontzi aisialdirako, arrantza-ontzientzat, laguntza-ontzientzat eta portuko operazioetarako baliagarria.
• Berotegi-efektuko gasen eta errekuntzatik eratorritako konposatu atmosferikoen emisioen murrizketa nabarmena, baita kutsadura akustikoaren jaitsiera ere.
• Sistema erreplikagarri eta  garraiatzeko aerraza, beste portu batzuetan erabiltzeko atea irekiz.
• Trantsizio energetikoarekin eta ekonomia zirkularrarekin lerrokatutako eredua, energia berriztagarriak txertatuz eta bigarren bizitzako osagaien erabilera aztertuz.

KAINDAR funtsezko proiektu gisa kokatzen da portuen elektrifikazioa bizkortzeko eta kaia jasangarriago, isilago eta emisiorik gabekoetarako bidean aurrera egiteko.