FRIBASAk eta EROSKIk IV. gamako barazkien produktu-lerro bat garatu nahi zuten, huts-ontziratuta, gehigarri eta kontserbagarririk gabe, gutxienez zazpi eguneko iraungitze-epearekin eta prestatzeko moduan.
Erronka tekniko nagusia barazki-nahasketa desberdinetarako prozesatze-baldintza egokiak definitzea izan zen, izan ere, barazki guztiek ez dute modu berean erantzuten mozketa, garbiketa, lehorketa edo ontziratzeari. Helburua azken produktuaren kalitatea eta segurtasuna bermatzea zen, gehigarri kimikoetara jo gabe.
AZTIk bi enpresak lagundu ditu produktu-lerro berri honen garapen osoan.
Laborategi-eskalan zein industria-eskalan probak egin ziren, barazki-konbinazio eta mozketa-formatu desberdinak aztertu ziren, eta prozesuko funtsezko eragiketak doitu ziren (hala nola garbiketa, lehorketa eta huts-ontziratzea).
Horrez gain, makineria egokiena hautatzen lagundu zen, eta FRIBASAko ekoizpen-lerroa ustiatzen duen langile-taldeari prestakuntza eman zitzaion.
FRIBASAren instalazioetan IV. gamako barazkien prozesatze-lerro berri bat martxan jartzea.
EROSKI markapean merkatura atera diren 10 erreferentzia berri.
Gehigarriak dituzten irtenbideen ordez aukera naturalagoak ezartzea.
Sektoreak: Elikagaien sektorea, Makineria eta tresneria industrialen ekoizleak
Ikerketa lerroak: Elikagai eta teknologia berriak, Kontsumoaren portaera eta joerak
Ikerketa-azpilerroak: Analisi sentsoriala eta kontsumitzaileen lehentasunak, Prozesatze- eta kontserbazio-teknologiak