Data horretara arte, laranja-zukuetan mandarinaren presentzia detektatzeko erabiltzen ziren metodoak markatzaile kimikoetan oinarritutako metodologiak ziren. Markatzaile horiek fidagarritasun txikikoak ziren eta ingurumen-baldintzen mendekotasun handia zuten.
AZTIk ADNaren analisi-metodologia berritzaile bat diseinatu zuen, TaqMan zunda fluoreszenteen panel batean eta denbora errealeko PCR sistema batean oinarritua, laranja-zukua mandarinarekin adulteratuta dagoen ala ez egiaztatzeko aukera ematen duena. Mundu mailako mugarri bat, gainera patentatua izan dena.
Mandarinaren identifikazio genetikoak kontrol zorrotzak egitea ahalbidetzen du, iruzurraren aurka borrokatzeko eta zuku eta nektarren sektoreko trazabilitatea hobetzeko.
Metodologia kanpoko agente independente batek balioztatu du, SGF erakundeak.
Sektoreak: Elikagaien sektorea, Osagaien industria
Ikerketa lerroak: Bioteknologia, Elikagaien kalitatea eta segurtasuna
Ikerketa-azpilerroak: Kalitatea eta trazabilitatea