Nazioarteko azterketa batek frogatu duenez –AZTIk ere parte hartu du–, Ipar-ekialdeko Atlantikoko arrain stockak iparralderantz lekualdatzen ari dira, eta lehenago Europa hegoaldeko uretan itxita zeuden espezie batzuek, hala nola legatzak, handitu egin dute okupatzen duten eremua, eta Europa iparraldeko uretan ohikoak ziren espezieak, berriz, hala nola bakailaoa, urritu egin dira. Banaketaren aldaketa horiek, hein batean, itsasoak berotzearen ondorio dira, eta beste hein batean, espezie batzuk lehengoratu izanaren ondorio, gehiegizko arrantza murriztearen ondorioz. Zehazki, hegoaldeko espezieek, esaterako antxoak, txitxarroak eta mihi arrainak, Ipar itsasoa, itsaso Baltikoa eta Eskoziako mendebaldea okupatu dituzte, urak orain epelagoak direlako.

(+)

Irtenbide aurreratuak arrasteko arrantzan nahi gabeko harrapaketak murrizteko

AZTIk koordinatzen duen MENDES 2 proiektuak erakutsi duenez, arrasteko sareetan gailu selektiboak aplikatzeak murriztu egiten ditu Lehorreratzeko Obligazioa duten nahi gabeko harrapaketak. Ikerketa arraste arrantzontzi komertzialetan garatu da, eta, ondorioz, arrantzaleek beraiek egindako egiaztapena dauka. Proiektuak Biodiversidad Fundazioaren eta Trantsizio Ekologiko eta Erronka Demografikorako Ministerioaren laguntza dauka, Pleamar proiektuaren bitartez, eta Europako Itsas eta Arrantza Funtsak kofinantzatu du (EIAF).
(+)

Nekazaritzako elikagaien start up-en bultzada

EIT Food Europako partzuergoak –AZTI partaidea da– kontinenteko nekazaritzako elikagaien ‘star up’ puntakoenen bila dabil, hazten laguntzeko eta nazioartean bultzada emateko. Eskariak egiteko epea martxoaren 10ean amaituko da.
(+)

Gure kostaldea 2050an eta muturreko gertaerak, Uhinak 2020rako gaiak

“Larrialdi klimatikoaren aurrean ekiteko mugitzen gara” eslogan berritua izango da Klima Aldaketari eta Itsasertzari buruzko Mugaz Gaindiko Biltzarraren laugarren edizioa, komunitate zientifiko, tekniko eta Administrazio Publikoko ordezkariak biltzen dituena. Diziplinarteko planteamendua da, eta kongresu honen helburua da kudeatzaileek klima-aldaketaren aurrean dituzten beharrak ezagutzea eta komunitate zientifikoak horiek konpontzeko zer ekarpen egin dezakeen ikustea.
(+)

> 2020ko ekainaren 9tik 11ra

SUMMER SCHOOL 2020 #OceanOptimism: balancing the narrative about the future of the ocean

Donostiako Aquarium
Donostia-San Sebastián (Gipuzkoa)

(+)