Arrantza-teknologia arrantza eraginkor eta seguruaren zerbitzura

Erauzte-arrantzarekin zerikusia duten proiektuen bidezko ikerkuntza da jardute-eremua, eta proiektuen ezaugarri nagusiak, berriz, sektorearen teknologia-premiei erantzutea eta arrantza lehiakor, seguru eta jasangarria bermatzea.

• Arrantza-aparailuen eta jardueraren berrikuntza: Arrantza-aparailuen aurrean espezieek duten portaerari buruzko ikerketa. Arrantza-aparailuen eta ekipamenduaren prototipoak. Detektatze eta erakartze-sistemak (akustikoak, karnata artifizialak, etab.). Aparailuen diseinua modelizazio eta monitorizazio bisual eta akustikoaren bidez. Laneko segurtasun- eta konfort-sistemak arrantza-ontzietan. Informazio eta komunikazio teknologiak aplikatzea arrantza-jardueran.

• Itsas behaketarako teknologia berrien garapena: tripulatzailerik gabeko plataforma ibiltarien (UAV) garapena beste zentro teknologiko eta enpresa batzuekin elkarlanean. Itsas ingurunea ebaluatzeko buia instrumentalak. Poluitzaileak tokian bertan neurtzeko sentsoreak. Itsas espezieak aztertzeko marka espezifikoak (TAGak). Datuak prozesatzeko eta erabiltzaile-interfazerako softwarea.

• Uretako teknologien berrikuntza: akuikulturako instalazioak teknika akustikoen eta optikoen bidez telemonitorizatzeko ekipoak. Hatchery-ko arrainkumeen produkziorako teknologia. Itsaso zabaleko kaioletako hazkuntza-instalazioen hobekuntza.
• Arrantza-aparailuen transferentzia teknologikoa: arrantza-aparailuen proba pilotuak, hautakortasuna, errentagarritasuna, segurtasuna eta beste alderdi batzuk aztertuz. Arrantza-aparailuen portaeren simulazioa ordenagailu bidez.
• Teledetekzioko zerbitzua: arrantza-probabilitateko eremuei buruzko informazio aurreratua baxurako flotarentzat, guk egindako sistemetan oinarrituta (BIZKAISAT –BI ©), eta atunontzi izoztaileen flotarentzat, CATSAT© sisteman oinarrituta.
• Harrapaketen informaziorako sistema: guk egindako aplikazio informatikoak, harrapaketak kudeatzeko eta ontzien eta lurraren artean informazioa transferitzeko.

Comparte este contenido: