Ikerketa kooperatiboa arrantza jasangarria lortzeko

AZTI-Tecnalian aurrera egiten dugu flota ekonomikoki lehiakorrak arrantza-jardunbide arduratsuarekin egindako arrantza-jarduera jasangarria lortzeko. Ikerketa-lana sektorearekin eta Europako zentro nagusiekin batera egiten da (nazioarteko erakundeen esparruan: ICCAT, IOTC, ICES/CIEM, NAFO, STEFC...). Arrantza-baliabideen ustiapen-mailei buruzko txosten zientifikoak egiten parte hartzen dugu, agintaritza politikoek kudeaketa-neurri egokiak ezar ditzaten jardueraren jasangarritasuna bermatzeko.

• Arrantza eta itsaski-baliabideen ebaluazioa: ereduak garatzen ditugu hainbat kudeaketa- eta harrapaketa-agertoki simulatzeko, denbora-espazioa, espezieak eta flotak ebaluatzeko tresnak erabiliz. Stockak kanpaina zuzenen bidez ebaluatzeko metodo berriak (metodo iktioplanktonikoak, akustikoak, optikoak eta CUFES).

• Arrantza-biologia: parametro biologikoen azterketa (genetika, hazkundea, ugaltzea, patologiak eta parasitazioa) eta espezie komertzialen portaeraren azterketa (banaketa eta migrazioa).

• Itsas ekosistemak: aldakortasun naturalaren ondorioari eta itsas ekosistemako eta kaletako klima-aldaketari buruzko ikerketa alderdi hauei dagokienez: produktibitate biologikoa, planktonaren dinamika, baliabideen errekrutatzea, eredu biologiko eta fisikoen akoplamendua, etab.

• Arrantzaren sozioekonomia: arrantza-ikerketaren eredu berriak, aldagai sozioekonomikoa barne, kalen kudeaketa berrirako.
  

• Kalen segimendua: arrantza-floten eta EAEko harrapaketa komertzialen egituraren eta jardueraren segimendua laginketa-sarearen eta arrantza-informazioaren bidez: lehorreratzeak eta baztertzeak eta harrapaketen ezaugarri biologikoak.
• Stocken ebaluazio-kanpainak: euskal administrazio publikoarentzat:  stocken biomasa hainbat metodoren bidez (iktioplanktonikoak, akustikoak, optikoak, etab.) zuzenean ebaluatzeko kanpainak. Arrantza-sektorearentzat: arrantza-kanpaina esperimentalak.
• Azterketa sozioekonomikoak: aldagai ekonomikoen estatistika sektorialak eta segimendua. Flotaren errentagarritasun-azterketa. Arrantzaren mendekotasun sozioekonomikoaren azterketak hainbat arlotan. Europako Batasunaren arrantza-politikaren inpaktuaren azterketa.

Comparte este contenido: